बलात्कारः अनुसन्धान पद्धति कसरी प्रभावकारी बनाउने ?


प्रकाशित मिति :2018-02-16 11:37:57

–महिला खबर–

ललितपुर । सोलुखुम्बुकी मनकुमारी आफ्नै काकाबाट बलात्कार भईन् । केही समयपछि गर्भवती भएको थाहा पाएपछि उनी एक गैरसरकारी संस्थाको पहलमा राजधानीकै एक सुरक्षित आवास गृहमा बसिरहेकी छन् । उनले जन्माएको शिशु अहिले बालमन्दिरमा पठाइएको छ । उनी स्कुल पढ्दैछिन् । जिल्लामा आफन्त सम्पर्कमा नभएकाले कानुनी प्रक्रिया केही पनि अघि बढेको छैन ।

नवलपरासीकी १८ वर्षीया रमिला आफ्नै बाबुबाट बलात्कार भईन् । उनको मुद्दा अहिले काठमाडौं जिल्ला अदालतसम्म पुगेको छ । धादिङकी २५ वर्षीया रामकुमारी कान्छा ससुराबाट बलात्कार भईन् ।

धामी भन्दै बिरामी भएका बेला झारफुक गर्ने बहानामा उनी कान्छा ससुराबाट बलात्कृत भइन् । बलात्कारपछि कान्छा ससुरा फरार छन् । पीडितलाई समाजले नराम्रो गरेपछि उनी पनि अहिले घर छोडेर आश्रयस्थलमा बस्छिन् । फरार भनिएकालाई प्रहरीले अझै नसमातेकोमा उनी चित्त दुखाउँछिन् ।

नेपाल प्रहरीको तथ्यांकमा बलात्कारका घटना बर्षेनि बढिरहेका छन् । नेपाल प्रहरीको तथ्यांकअनुसार आर्थिक वर्ष २०७२\७३ मा जबर्जस्ती करणीका एक हजार ८९ वटा घटना भए । आर्थिक वर्ष २०७३\७४ मा एक हजार एक सय ३९ वटा घटना भएका छन् ।

बलात्कारका घटनाको संख्या बढेको बढ्यै छ । तर पीडितले न्याय पाएको महसुस गरेका छैनन् । बलात्कारी भन्दा बलात्कृत महिलाहरू गाउँ समाजबाट बहिस्कृत छन् । बलात्कृत महिलालाई न्याय दिनुपर्ने समाजले उल्टै तिमी किन बलात्कृत भएको भन्दै प्रश्न गरेका सयौं घटना छन् । कारण बलात्कृत महिलाले उल्टै समाजका प्रश्नहरूको सामना गर्दै कष्टदायी जीवन जिउनुपर्ने बाध्यता छ ।

अधिकांश बलात्कारका घटनाको अनुसन्धान फितलो हुँदा पीडितले न्याय पाउन सकेका छैनन् । बलात्कारका घटना बढ्दो तर अनुसन्धान पद्धति फितलो किन ? बलात्कार घटनाको अनुसन्धान पद्धति कसरी प्रभावकारी बनाउने त ? यसै विषयमा छायाँकन गरिएको समकोण आज बेलुका ९ बजे कान्तिपुर टेलिभिजनबाट प्रसारण हुनेछ ।

(माथि उल्लेख गरिएका बलात्कृत महिलाको नाम परिवर्तन गरिएको छ ।)

 

 

    Comment Here!

Related NEWS
मुख्य खबर

छोरी

-अन्शु खनाल- प्यारी छोरी जन्मनु आफैमा जित्नु हो यसमानेमा जिन्दगीको सुरुवात जित बाटै गरेकी हौ तिमीले पनि ।

थाहा थिएन

-अनिता महर्जन- थाहा थिएन आमा पराइ घरको जिवन शैली सोचेको थिएँ आफ्नै जस्तै हुन्छ कि भनेर

नारी सहास र सृजनाको स्रोत

-अञ्जना दास परियार- परोपकारी मन, भावना र कार्यले सुनौलो विश्व-इतिहास रच्न सफल मदर टेरेसा नारी तिनी ।

अधिकारीले दायर गरेको रिटमा सर्वोच्चको कारण देखाउ आदेश

-महिला खबर- ललितपुर । गोरखापत्र संस्थानको प्रधान सम्पादक नियुक्तिका विषयमा परेको रिट निवेदनमा सर्वोच्च अदालतले कारण

समाज सेवा र हाम्रो परिवेश

-हिरा दाहाल- बर्दियाकि बहिनी भात खान नपाएर देह त्याग गर्न विवश देशमा समाज सेवा गर्छु भन्न पनि लाज

Read more
© 2015.All rights reserved by mahilakhabar.com
%d bloggers like this: