जागिर छोडेर व्यवसाय गर्दै कान्ति


प्रकाशित मिति :2018-02-20 12:02:18

–प्रकाश पार्की–

डडेल्धुरा । अधिकांश पढेलेखेका युवायुवतीहरुको उद्देश्य हुन्छ, जागिर । आजभोलिका पढेलेखेका व्यक्ति प्रायःजागिरकै लागि भौतारिरहेका हुन्छन् ।

तर, कोही व्यक्ति यस्ता पनि छन् जो जागिर छोडेर कुनै न कुनै व्यवसाय गरिरहेका छन् । त्यसैको उदाहरण हुन्, कान्ति जोशी । उनी विगत ८ महिनादेखि डडेल्धुरा सदरमुकामको तुफानडाँडाकमा व्युटी पार्लर व्यवसाय गर्दै आइरहेकी छिन् । बैतडीको सिगास गाउँपालिका वडा नं. २ धौलाडी उनको घर हो ।

उनी अहिले डडेल्धुराको अमरगढी नगरपालिका ४ मा बस्छिन् । उनीसँग एक दशक विभिन्न संघसंस्थाहरुमा काम गरेको अनुभव छ । २०६२ सालदेखि २०७३ सालसम्म विभिन्न संघसंस्थामा काम गरेको उनले बताइन् । ‘दुईवर्ष नेपालगञ्जमा काम गरे ।’ उनले भनिन्, बाँकी समय मैले बझाङमा जागिर खाएको हुँ ।’

अहिले भने आफ्नै व्यवसाय थालेकी कान्ति बिहान १० देखि बेलुकी ६ बेजसम्म ब्यूटिपार्लरमै व्यस्त हुन्छिन् । आफ्नो व्यवसायबाट आफू सन्तुष्ट भएको उनी बताउँछिन् । दैनिक २ हजारभन्दामाथि आम्दानी भइरहेको उनले बताइन् । घरखर्च कटाएर मासिक ३० हजारभन्दा बढी बचल गर्ने गरेको जोशीले सुनाइन् ।

‘महिना यति नै कमाइ हुन्छ भन्ने त छैन्, तर पनि मैले मासिक २५ देखि ३० हजारसम्म बचत गर्ने गरेकी छु ।’ उनले भनिन्, ‘घरायसी खर्च पनि यसैबाट चलाएकी छु । दुईजना बच्चाहरुको स्कुल खर्चपनि यो व्यवसायबाटै धानेकी छु ।’

श्रीमानको प्रेरणाले आफूले यो व्यवसाय सञ्चालन गरहेको उनको भनाइ छ । ‘पहिले त म एनजिओ आइएजिओमा काम गर्ने मान्छे हो ।’ जोशीले भनिन्, पछि साथीहरुले प्रेरणा दिनुभयो, त्यसमाथि पनि मेरो श्रीमान र परिवारका सदस्यहरुको प्रेरणाले व्यवसायी बनें ।’ उनका श्रीमान खलंगा वन कार्यालयमा रेन्जर पदमा काम गर्दछन् ।

जागिर र व्यवसायमा आकाश र जमिनको फरक

एनजिओको जागिर र व्यवसायमा आकाश र जमिनको फरक भएको उनको बुझाइ छ । ‘जागिर र व्यवसायमा आकाश र जमिनको फरक छ ।’ उनले भनिन्, जागिर गर्दा १५÷२० हजारको लागि महिनौं कुर्नु पर्दछ ।’ तर व्यवसाय गर्दा २५÷३० हजार एक दिनमै कमाउन सकिन्छ ।’

उनले थपिन्, ‘व्यपार र जागिरमा धेरै फरक छ । व्यापार गर्दै जाने हो भने, जागिर त सामान्य नै लाग्छ ।’ आफूलाई आजभोलि व्यपार गर्दै जाँदा जागिर टाइमपास जस्तो लाग्ने गरेको उनले अनुभव सुनाइन् । व्युटिपार्लरका लागि सामानहरु धनगढी, काठमाडौं र भारतको राजधानी दिल्लीबाट ल्याउने गरेको उनी बताउँछिन् ।

व्यवसाय गर्दाका चुनौती

व्यापर व्यवसाय गर्दा महिलामाथि धेरै चुनौतीहरु रहेको उनको अनुभवले बताएको छ । ‘महिलाहरुलाई बाहिर हिँड्न पनि समस्या हुन्छ । पुरुषहरुले त्यसै पनि हेप्न खोजिरहेका हुन्छन् ।’ उनले भनिन्, तर पनि आफू सक्षम र बाठो हुनुपर्छ त्यति धेरै हेप्दैनन् । सुदूरपश्चिमेली समाजमा महिलाहरुलाई कठिन त हुन्छ ।’

जागिर गरेको पैसाले व्यवसाय

एनजिओको जागिरमा कमाएको रकम र श्रीमानको कमाइले आफूले व्यवसाय सुरु गरेको जोशीले बताइन् । ‘यो पसल गर्नुभन्दा पहिले म आफै सानेतिनो जागिर गर्थें । महिनाको २२÷२५ हजार कमाउँथे । उनले भनिन्, ‘यो व्यवासय संचालन गर्नको लागि श्रीमानबाट पनि केही पैसा लिएको छु ।’

एसएलसी उर्तिण गरे पछि उनी २०६२ सालमा पढाइको सिलसिलामा नेपालगञ्ज गइन् । र उतै ६ महिना व्युटिसियन तालिम लिएकी थिईन् । परिवारसँग नै सल्लाह गरेर सीप सिकेको बताइन् । ‘यो सीप सक्निे अवसर मलाई मेरा दाइ भाउजू र आमाबुवाले दिनुभएको हो ।’ उनले भनिन् ।

सौन्दर्यले सबैलाई आकर्षित गर्छ । अहिले आएर महिला मात्र नभइ पुरुष पनि पार्लर जान थालेका छन् । आर्थिक सम्पन्नतासँगै व्युटी पार्लरमै गएर व्युटी बन्ने महिला–पुरुषको सोखले पार्लर व्यवसाय फस्टाएको छ ।

<

p style=”text-align: justify;”>‘पारिवारिक साथ र सहयोग पाएँ अझ यो व्यापार विस्तार गर्ने सोच बनाएकी छु ।’ उनले भनिन्, पारिवारीक खर्च र बाचबच्चाको स्कुल खर्च चलाउन यो व्यापारको थालनी गरेकी हुँ ।’ मैले गर्दै आइरहेको व्यवसायबाट श्रीमानलाई पारिवारिक खर्चको बोझ कम होस् भन्ने पनि मेरो उद्देश्य हो ।’

    Comment Here!

Related NEWS
मुख्य खबर

अधिकारीले दायर गरेको रिटमा सर्वोच्चको कारण देखाउ आदेश

-महिला खबर- ललितपुर । गोरखापत्र संस्थानको प्रधान सम्पादक नियुक्तिका विषयमा परेको रिट निवेदनमा सर्वोच्च अदालतले कारण

समाज सेवा र हाम्रो परिवेश

-हिरा दाहाल- बर्दियाकि बहिनी भात खान नपाएर देह त्याग गर्न विवश देशमा समाज सेवा गर्छु भन्न पनि लाज

महिला

-वसन्त आचार्य- गरेर परिवारको हेरचाह, राख्द छिन् ख्याल अरुको पनि, जहाँ देखिन्छन् चोटहरु, उहीँ पुग्दछिन् मलम बनी

सामाजिक सेवा र महिला अधिकार

-रुपा थापा- अघि बढ्नु पर्छ छोरी सधै तिमीले चम्किएर त्यो किरण सरि यो सामाजिक सेवामा सारा ती मौनतालाई तोडेर

सामाजिक सेवा र महिला अधिकार

-कल्पना नेपाल आचार्य- त्याग र समपर्णको भावमा रमाएर कति पीडा र व्यथा लुकाएर ओठमा मुस्कान छर्न तम्तयार

Read more
© 2015.All rights reserved by mahilakhabar.com
%d bloggers like this: