८ मार्चमा निशुल्क प्याड दिइने


प्रकाशित मिति :2018-03-04 16:49:28

–महिला खबर–

ललितपुर । १०८ औँ अन्तर्राष्ट्रिय महिला दिवसको अवसरमा तराईका दुई जिल्लामा निःशुल्क सेनेटरी प्याड वितरण गरिने भएको छ ।

महिला युवा नेपालले तराई–मधेशका जिल्ला बारा र रौतहटका सरकारी विद्यालय, क्याम्पस तथा विकट गाउँहरू निःशुल्क प्याड वितरण गर्न लागेको हो ।

महिला युवा नेपालकी अध्यक्ष सन्ध्या बिडारीले महिलाको यौन तथा प्रजनन् स्वास्थ्यसँग प्रत्यक्ष सरोकार राख्ने सेनेटरी प्याड बारे किशोरी तथा महिलाहरूलाई सचेत गराउन निःशुल्क प्याड वितरण गर्न लागेको बताइन् ।

महिनावारी हुनु महिला सन्तान जन्माउन योग्य भएको कुराको प्रमाण भए पनि अधिकांश नेपालीले महिनावारीलाई पापको रुपमा बुझ्ने गरेको भन्दै महिनावारी हुने महिलाको सम्मानका लागि सन्देश स्वरुप प्याड वितरण गर्न लागेको पनि अध्यक्ष बिडारीले बताइन् ।

अभियन्ता साबित्री सुवेदीले खास गरेर बारा र पर्साका भित्री गाउँहरूमा प्रजनन् स्वास्थ्य सम्बन्धी चेतनाको अभाव रहेको बताइन् । महिला तथा किशोरीहरूलाई महिनावारीका बेला अपनाउनु पर्ने स्वास्थ्य सजगताका बारेमा घच्घच्याउन पनि निशुल्क सेनेटरी प्याड वितरण गर्न लागेको महिला खबरलाई बताइन् ।

सो अवसरमा महिलाहरूलाई सूचनाको हकका बारेमा पनि जानकारी गराउने महिला युवा नेपालले जनाएको छ ।

युवा महिला नेपालले अहिले काठमाडौंमा सेनेटरी प्याड संकलन अभियान थालेको छ । संस्थाले सेनेटरी प्याड वितरणमा सहकार्यका लागि अन्य व्यक्ति तथा संस्थालाई समेत आग्रह गरेको छ ।

    Comment Here!

Related NEWS
मुख्य खबर

म पूरा , तिमी आधा

-मन्जु काँचुली- तिमी– मेरो आकाशको घडामा तैरिने एक टुक्रा अस्थिर बादल मेरो चन्द्रमाको प्रकाशले पानीमा छचल्किने एउटा

मनको सन्दुक

-लक्ष्मी उप्रेती- कति दयनीय उमेरको पर्खाल उफ ! आफ्नै पौरखको सारा सिर्जनामा हुदा पनि उमेरको यो संघारमा आईपुग्दा

कोभिड-१९ महामारीको कारण बिपन्न बर्गका बालबालिका अझ समस्यामा : मानव अधिकार आयोग

नेपालले बाल अधिकार सम्बन्धी महासन्धि अनुमोदन गर्नुका साथै सो महासन्धिमा भएका व्यवस्था तथा अन्तर्राष्ट्रिय मञ्चहरुमा

मखमली सम्झना

-सुष्मा रानाहँमा- घुमाउथिन् आमाले,आफैँ झैं पिसिएको पिठोको फन्के रोटी मन आफैं घुम्थ्यो उमंगको जस्केला वरिपरी धानका बाला झुलेर

च्याति दिँउ भ्रमको साम्राज्य

-प्रेमिला राई- उहिले सर्वहाराको गीत गाउनेहरू आज पनि उहीँ माटोमा उस्तरी नै उहीँ भाका, उहीँ लयमा उहीँ भुइमान्छेका गीतहरू गाइरहेछन त्यो

Read more
© 2015.All rights reserved by mahilakhabar.com
%d bloggers like this: