श्रीमतीको हत्या गर्ने मुखिया पक्राउ


प्रकाशित मिति :2018-03-07 11:53:19

–रुजु खतिवडा–

पाँचथर । आफ्नै श्रीमतीको विभत्स हत्या गरेर उम्कने प्रयास गरिरहेका फिदिम नगरपालिका–३ का डिकबहादुर मुखिया पक्राउ परेका छन् ।

श्रीमतीको हत्या गरेर प्रहरीमा श्रीमती हराएको उजुरी दिएर उम्कने प्रयास गरिरहेको अवस्थामा पाँचथर प्रहरीले १५ दिनपछि घटनाको यथार्थ पत्ता लगाएको हो ।

६१ वर्षीय डिकबहादुरले ४२ वर्षीया श्रीमती गंगामाया सुनुवार मुखियाको फागुन ५ गते मध्य राती घरमा कोही नभएको मौका छोपी उत्तिसको दाउरा र मुक्का प्रहार गरेर हत्या गरेको प्रहरीले जानकारी दिएको छ । यसपछि उनले श्रीमतीको शव घर अघिको बारीमा खाल्डो खनेर पुरेपछि त्यसमाथि आलु र तोरी रोपेका थिए ।

मुखियाले प्रहरीलाई दिएको बयान अनुसार फागुन ५ गते गाउँमा एउटा विवाह थियो । डिकबहादुर दिनभर त्यही विवाहमा सरिक भएर रक्सीमा रमे । रक्सीले झम्म भएपछि साँझ उनी घर पर्के । उनी घर आउँदा श्रीमति गंगामाया खाना पकाइरहेकी थिइन् । रक्सी खाएको विषयमा श्रीमान श्रीमतीबिच भनाभन भो । डिकबहादुरले श्रीमतीलाई दाउराले टाउकोमा हाने । गंगामायाको घटनास्थलमै मृत्यु भो ।

श्रीमतीको हत्या गरिसकेपछि डिकबहादुरले त्यही राती घर नजिकैको ३० मिटर पर आलुबारीमा ३ फिट गहिरो खाल्डो खने र त्यही खाल्डोमा गाडे । अनि प्रहरीमा ‘मेरो श्रीमती हराइन्, खोजी दिनु पर्यो’ भनेर निवेदन दिए ।

तर उनको जुक्ति धेरै दिन टिकेन । प्रहरीले घटना केरकार गर्दै जाँदा गंगामायालाई डिकबहादुरले मारेको ठहर भयो र प्रहरीले उनलाई पक्राउ गर्यो । प्रहरीले पक्राउ गरेपछि बल्ल उनले साँचो कुरा बताए । अहिले उनलाई कर्तव्य ज्यान मुद्दामा म्याद थप गरी थप अनुसन्धन भइरहेको जिल्ला प्रहरी कार्यालय पाँचथरका प्रमुख बामदेब गौतमले जानकारी दिए ।

श्रीमती हराएको भनेर उजुरी गरेपछि प्रहरीले व्यापक खोजि ग¥यो । आफ्न्तलगायत विभिन्न स्थानमा खोजी गर्दा समेत गंगामायाको अत्तोपत्तो भएन । मुखियाले शंकास्पद गतिविधि देखाउन थाले । पहिले भन्दा बढी रक्सि खाएर हो हल्ला गर्ने र रुने गर्न थाले । प्रहरीले मुखियाको गतिविधिमाथि अनुसन्धान गरिरहेको थियो ।

गाउँलेले पनि उनैमाथि शंका गरे । घरैमा बस्दै आएका डिकबहादुरको गतिविधिमा शंका देखिएपछि प्रहरीले उनलाई आइतवार नियन्त्रणमा लियो । हिरासतमा राखेर बयान लिने क्रममा उनले श्रीमतीको हत्या गरेको स्वीकार गरेपछि जिल्ला प्रहरी कार्यालय पाँचथरबाट प्रहरी नायव निरीक्षक विष्णुबहादुर खड्काको कमाण्डमा गएको टोलीले खोजी गर्ने क्रममा गंगामायालाई गाडेको अवस्थामा फेला पारेको प्रहरीको भनाइ छ ।

घरमा छोराछोरी नभएको मौका छोपी मुखियाले आफ्नी श्रीमतीको निर्ममतापूर्वक हत्या गरेर आलुबारीमा पुरेको प्रहरीले जनाएको छ ।
गंगामायाको कंकाल १५ दिनपछि उत्खनन् गरि पोष्टमार्टम गरि दाहसंस्कार गरिएको छ ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: