कैलाली बोक्सी काण्ड : उजुरी नलिने प्रहरीमाथि छानबिन हुँदै


प्रकाशित मिति :2018-03-11 12:50:25

-महिला खबर-

ललितपुर । कैलालीको घोडाघोडी नगरपालिका ५, की राधा चौधरीमाथि बोक्सी आरोपमा कुटपिट गर्नेलाई कारबाही गर्न दिइएको उजुरी नलिने प्रहरीमाथि छानबिन भइरहेको जिल्ला प्रहरी कार्यालय कैलालीले जनाएको छ ।

जिल्ला प्रहरी कार्यालय कैलालीले सुखड इलाका प्रहरी कार्यालयका इन्चार्ज प्रहरी सहायक निरीक्षक दिनेश विष्टलाई सदरमुकाम झिकाएर छानबिन थालेको जनाएको हो । कुटपिट लगत्तै उजुरी गर्न जाँदा प्रहरीले उजुरी लिन नमानेको पीडित पक्षले आरोप लगाएका थिए ।

जिल्ला प्रहरी कार्यालय कैलालीका प्रवक्ता डिएसपी सागर बोहराले शनिबार नै विष्टलाई जिल्ला झिकाएर आन्तरिक छानबिन थालिएको बताए । ‘हामीले सइ विष्टलाई जिल्ला झिकाएर आन्तरिक छानबिन गरिरहेका छौं ।’ डिएसपी बोहराले महिला खबरसँग भने, ‘उनले उजुरी लिन नमानेका रहेछन् भने कारबाही गर्छौं ।’

घटनामा संलग्न भनिएका भोलेबाबा भनिने रामबहादुर चौधरी र पार्वती माता भनिने महिलालाई पक्राउ गरि अनुसन्धान प्रकृया सुरु गरेको जनाएको छ ।

गत बिहीबार किसान जोखन चौधरीकी १८ वर्षीया छोरी राधा घर नजिकै गोठमा गोबर सोहोरेर घर फर्किदै गर्दा ६(७ जनाको समूहले उनलाई चर्को स्वरमा कराउँदै यही हो बोक्सी, समात्, समात् भन्दै कुटपिट गरेका थिए ।

भोलेबाबा रामबहादुर चौधरीको घरमा छरछिमेकीहरु चारैतिर घेरा बनाएर बसेका थिए । करिब २० मिनेटको पैदल दुरीमा रहेको भोलेबाबाको घरमा घिसार्दै राधालाई पुर्याइएको थियो । उनलाई गाउँलेको माझमा राखेर भोलेबाबाकी सहयोगी ‘पार्वती माता’ ले निर्घात कुटपिट गरेका थिए ।

कुटपिट गम्भीर घाइते भएकी राधाको धनगढीस्थित सेती अञ्चल अस्पतालमा उपचार भइरहेको छ ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: