यौनजन्य हिंसाको जोखिममा अपाङ्गता भएका महिला


प्रकाशित मिति :2018-03-12 12:40:00

–महिला खबर–
ललितपुर । अपाङ्गता भएका महिलाले यौनजन्य हिंसा बढि भोग्ने गरेका पाइएको छ । नेपाल अपाङ्ग महिला संघका अनुसार अपाङ्गता भएका महिलाले यौनजन्य हिंसा बढि भोग्दै आएका हुन् ।

सन् २०१६/२०१७ मा नेपाल अपाङ्ग महिला संघमा अपाङ्गता महिलाले भोगेका २६ वटा उजुरी दर्ता भएका थिए । तिमध्ये १७ वटा बलात्कारका उजुरी परेको संघकी अध्यक्ष निर्मला धितालले जानकारी दिईन् ।

उनका अनुसार एक बलात्कारको प्रयास, पाँच घरेलु हिंसा, २ नागरिकता नपाएको र एउटा बहुविवाहको उजुरी महिलाले संघमा गरेका थिए ।

‘अपाङ्गता भएका महिला शारीरिक रुपमा कमजोर हुन्छन्’ धितालले भनिन्, ‘आफू विरुद्ध भएका हिंसाको प्रतिकार गर्न उनीहरुलाई असहज हुने भएकाले अपाङ्गता भएका महिलाले थप हिंसा भोग्ने गरेका हुन् ।

अझ कतिपय अपाङ्गता भएका महिलाले त आफू बिरुद्ध लैंगिक हिंसा भएको नै थाहा पाउँदैनन् । संघले नै सन् २०१६ मा धादिङ र गोरखाको ५/५ वटा गाउँ विकास समितिका अपाङ्गता भएका महिलामा गरेको सर्वेक्षण अनुसार ६० प्रतिशत अपाङ्गता भएका महिलाले हिंसा भन्ने नै ज्ञान नभएको बताएका हुन् ।

भने ११.९ प्रतिशतलाई हिंसाबारे जानकारी भएका बताएका थिए । १९.०५ प्रतिशतलाई अलिअलि मात्रै हिंसा भएको जानकारी भएको जनाएका उनले बताईन् ।

सर्वेक्षण अनुसार ८७ प्रतिशत भन्दा बढि अपाङ्ग महिला हिंसा सहेर नै बस्छन् । अर्थात्, उनीहरुले लैंगिक हिंसाका विरुद्ध उजुरी गर्दैनन् ।

२०६८ सालको जनगणना अनुसार नेपालमा ५ लाख १३ हजार ३ सय २१ जना अपाङ्गता भएका व्यक्ति छन् । तिमध्ये ४५.४ प्रतिशत अर्थात्, २ लाख ३३ हजार २ सय ३५ जना अपाङ्गता भएका महिलाको संख्या छ ।

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: