बढ्दो महिला हिंसा रोक्न माग


प्रकाशित मिति :2018-03-14 12:48:26

–महिला खबर–
ललितपुर । पछिल्लो समय महिलामाथि हुने हिंसाका घटना बढ्दो रहेको महिला तथा बालबालिका सेवा केन्द्र कालिमाटीले जनाएको छ ।
कार्यालयको तथ्यांक अनुसार आर्थिक वर्ष २०७३/०७४ मा काठमाडौंमा २ सय ३८ वटा महिला हिंसाका घटना उजुरी परेका थिए । जुन आर्थिक वर्ष ०७२/७३ ले भन्दा ४४ वटाले बढी हो ।

चालु आर्थिक वर्षको ८ महिनामा एक सय ३५ वटा महिला हिंसाका घटना प्रहरीमा उजुरी परेका छन् । असार मसान्तसम्म यो तथ्याङ्क अझ बढ्ने देखिन्छ । आव ०७३/७४ मा मानव बेचबिखन तथा ओसारपोसारका ५१ वटा घटना भएका थिए भने ०७२/७३ मा १५ वटा ०७४/७५ मा १३ वटा घटना प्रहरीमा उजुरी भयो । ०७३/७४ मा बहुविवाहका ४०, बालबिबाहका १, जबरजस्ती करणीका एक सय १ सय १४, जबरजस्ती करणी उद्योगका २९ र घरेलु हिंसाका ३ वटा उजुरी दर्ता भएको कार्यालयले जनाएको छ ।

यस्तै ०७२/७३ मा बहुविवाहका ३६, जबरजस्ती करणीका ८३, जबरजस्ती करणी उद्योगका २५ र घरेलु हिंसाका ३५ वटा उजुरी दर्ता भएका थिए । ०७४/७५ मा बहुविवाहका २६, बालबिबाहका १, जबरजस्ती करणीका ३९, जबरजस्ती करणी उद्योगका १४ र घरेलु हिंसाका १२ वटा उजुरी परेको कार्यालयकी निमित्त प्रमुख निर्मला ओझाले बताइन् ।

उनले भनिन्, ‘पछिल्लो समय महिलामाथि हुने हिंसा बढेको देखिन्छ । महिलामाथि हुने हिंसामा बढी श्रीमानबाट पीडित भएका घटना धेरै छन् ।’ उनले चालु आवको अन्त्यसम्म हिंसाको घटना उल्लेख्य रुपमा बढ्न सक्ने बताइन् ।

हिंसा रोक्न माग गर्दै ज्ञापनपत्र

महिलामाथिको हिंसा निरन्तर बढ्दै गएकोले अन्तरपार्टी महिला सञ्जालका महिलाहरुले महिलामाथि हुने हिंसा रोक्न गृहमन्त्रीलाई ध्यानकर्षण गराएका छन् ।

सञ्जालले मंगलबार गृहमन्त्री रामबहादुर थापालाई ज्ञापनपत्र बुझाउँदै पर्सामा आठ वर्षीया बालिकामाथि भएको बलात्कारको घटना, कैलालीमा युवतीलाई बोक्सीको आरोपमा गरिएको दुर्व्यवहार, धनुषामा बाबुबाट छोरीको हत्यालगायतका घटनाले स्तब्ध बनाएको भन्दै घटनाका दोषीलाई कारबाहीको माग गरेको छ ।

ज्ञापनपत्रमा यस्ता घटना दोहोरिन नदिन सरकारले कडा कदम चाल्नुपर्नेमा आग्रह गरिएको छ । सञ्जालले बलात्कारको घटनामा विद्यमान कानूनलाई संशोधन गरी कडा बनाउनुपर्ने मागसमेत गरिएको छ ।

ज्ञापनपत्र बुझ्दै गृहमन्त्री थापाले महिलामाथिको हिंसाबारे मन्त्रालय गम्भीर रहेको भन्दै दोषीलाई उन्मुक्ति नदिइने बताए । उनले दोषीलाई कारबाहीका लागि मन्त्रालयले निर्देशन दिइसकेको भन्दै अधिकांश दोषीलाई प्रहरीले पक्राउ गरी कारबाही प्रक्रियासमेत अगाडि बढाइसकेको बताए ।

महिला हिंसाविरुद्ध मन्त्रालयले शुरु गरेको अभियानमा हातेमालो गरेर अघि बढ्ने समेत गृहमन्त्री थापाले सञ्जाललाई आग्रह गरे । सञ्जालकी उपाध्यक्ष पुष्पा ठाकुरको नेतृत्वमा गएको टोलीले गृहमन्त्रीलाई ज्ञापनपत्र बुझाएको थियो ।

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: