उपसभामुख निर्वाचनः शिवमाया र पुष्पाको उम्मेदवारी


प्रकाशित मिति :2018-03-15 14:41:21

–महिला खबर–

ललितपुर । भोली शुक्रबार हुने उपसभामुख निर्वाचनका लागि एमाले र कांग्रेसबाट दुई महिलाले उम्मेदवार दिएका छन् । उपसभामुखका लागि नेकपा एमालेकी डा.शिवमाया तुम्बाहाम्फे र कांग्रेसबाट पुष्पा भुषालले उम्मेदवारी दर्ता गराएका हुन् ।

दुवै जनाले आज नयाँ बानेश्वरस्थित संघीय संसद् भवन पुगेर उम्मेदवारी दिएका छन् । मोरङकी तुम्बाहाम्फे एमालेकी समानुपातिक सांसद हुन् । वाम गठबन्धनको सहमति अनुसार सभामुख माओवादी केन्द्रले लिएपछि उपसभामुख पद एमालेको भागमा परेको छ ।

यस्तै प्रमुख प्रतिपक्ष नेपाली कांग्रेसबाट उपसभामुखमा पुष्पा भुषालले उम्मेदवारी दिएकी छन् । अर्घाखाँचीकी भुषाल समानुपातिक सांसद हुन् । २०३६ सालमा नेवि संघबाट राजनीति शुरु गरेकी उनी पहिलो संविधानसभामा पनि सांसद थिइन् ।

उपसभामुखको उम्मेदवारी दर्ताका लागि बिहीबार दिउँसो २ बजेसम्मको समय तोकिएको थियो । भोली (शुक्रबार) दिउँसो १ बजे उपसभामुखको निर्वाचन हुँदैछ । संविधानको धारा ९१ मा प्रतिनिधिसभाको पहिलो बैठक प्रारम्भ भएको मितिले १५ दिनभित्र सभामुख र उपसभामुखको निर्वाचन गरिसक्नुपर्ने व्यवस्था छ ।

प्रतिनिधिसभाको पहिलो बैठक गत फागुन २१ गते बसेको थियो । त्यस्तै सभामुख र उपसभामुखमध्ये एकजना महिला हुनुपर्ने र दुवै पदमा फरक– फरक दलको प्रतिनिधित्व हुनुपर्ने संवैधानिक प्रावधान रहेको छ ।

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: