बालिका बन्धक बनाई बलात्कार गर्ने समूह पक्राउ


प्रकाशित मिति :2018-03-21 16:53:11

–महिला खबर–

ललितपुर । बालिकालाई बन्धक बनाई बलात्कार गर्ने एक समूहलाई प्रहरीले पक्राउ गरेको छ । पक्राउ पर्नेमा बसका चालक र सहचालक रहेका छन् । प्रहरीले उनीहरुलाई काठमाडौंको विभिन्न स्थानबाट पक्राउ गरेको हो । पक्राउ पर्नेमा भोला तामाङ, चन्द्र बहादुर सापकोटा, सन्तोष घिमिरे, दिवस गड्तौला र सुदिप बजगार्इं रहेको महानगरिय परिषर टेकुले जानकारी दिएको छ ।

यस्तो थियो घटना

१५ वर्षकी बालिका गत फागुन १७ गतेदेखि बल्खुबाट हराएकी थिइन् । बालिकाकी आमाले छोरी हराएको भन्दै बालबालिका खोजतलास केन्द्र काठमाडौंमा निवेदन दिइन् । बालिका हराएको विषयमा सञ्चार माध्यम र सार्वजनिक स्थानहरुमा समेत पीडितको फोटो र हुलियासहित पर्चा टाँस गरियो ।

पmागुन १७ गते साँझ घरबाट बल्खुतर्फ निस्केकी बालिका बल्खुचौकबाट काठमाडौंको रिङ्गरोडमा चल्ने वा.४ ख.३८५१ नम्बरको बस चढेकी थिइन् । बसका चालक सन्तोष घिमिरे र सहचालक दिवस गड्तौलाले बसुन्धरास्थित एक ग्यारेजमा लगेर बलात्कार गरे । त्यसको भोली पल्ट १८ गते साँझ बालिकालाई चालक सन्तोष घिमिरेले ललितपुर हरिसिद्दीस्थित कोठामा लगेर ६ दिनसम्म भाग्न उम्कन नदिई कोठामा बन्धक बनाई बलात्कार गरेको प्रहरीको अनुसन्धानमा खुलेको छ ।

यस्तै फागुन २४ गते बालिका कोठाबाट भाग्न सफल भइन् । त्यही दिन अर्को बसका सह–चालक सुदिप बजगाईंले बलात्कार गरे । २५ गते बालिकालाई सह–चालक दिवस गडतौलाले फेला पारेर सन्तोष घिमिरेलाई जिम्मा लगाए । सोही दिन सन्तोष घिमिरेले पुनः कोठामा लगेर बलात्कार गरेको अनुसन्धानमा खुलेको छ ।

घिमिरेले फागुन २७ गते बालिकालाई सातदोबाटोबाट रिङरोड गुडने बा.२ ख. ४१९५ नं. को गाडीमा चढाइदिए । उक्त गाडी चालक भोला तामाङ र सह–चालक चन्द्र सापकोटाले दिनभर गाडीमा घुमाई स्वयम्भुस्थित एक ग्यारेजमा लगी बलात्कार गरेका थिए ।

फागुन २८ गते बालिकाको स्वास्थ्य अवस्था बिग्रदै गएपछि गर्भ निरोधक औषधि र दुई सय ५० रुपैयाँ दिई स्वयम्भुमा ल्याएर छाडेका थिए ।

अनुसन्धानका क्रममा ललितपुर हरिसिद्दिस्थित सन्तोष घिमिरेको कोठाबाट महिलाले प्रयोग गर्ने गर्भनिरोधको औषधीको खोल, दुई बोतल पिसाव र कन्डमहरु समेत फेला परेको थियो ।

खोजतलासका क्रममा बालिका कराउने, तर्सने, बर्बराउने अबस्थामा स्वयम्भुमा फेला परेकी थिइन् । पक्राउ परेका पाँचै जनालाई जबरजस्ती करणी मुद्दा दर्ता गरि अनुसन्धान भईरहेको प्रहरीले जनाएको छ ।

    Comment Here!

Related NEWS
मुख्य खबर

सामाजिक सेवा र महिला अधिकार

-कल्पना नेपाल आचार्य- त्याग र समपर्णको भावमा रमाएर कति पीडा र व्यथा लुकाएर ओठमा मुस्कान छर्न तम्तयार

एक सडक बालक

-अप्सरा लावती लिम्बु- टोलाएर हेरी बसेको छ,फोहोरको डंगुरमाथी के के होलान है खानेकुरा भनेर कल्पनाले ऊ तरंगीत छ

पत्रकार मृत फेला

-महिला खबर- पत्रकार निर्मला पहराई शुक्रबार मृत फेला परेकी छिन् ।

बैठकमा महिला सहभागिता नभएकोमा चिन्ता

-महिला खबर- गैर आवासीय नेपाली संघले अमेरिका क्षेत्रको क्षेत्रीय बैठकमा महिलाको सहभागिता हुन नसकेको विषयप्रति ध्यानाकर्षण

खाद्यान्न सहयोग

अछामको मंगलसेन नगरपालिकाका दुई वडामा ६० जना विपन्न एकल महिलालाई अछाम जेसिजले खाद्यान्न सहयोग गरेको

Read more
ताजा अपडेट
© 2015.All rights reserved by mahilakhabar.com
%d bloggers like this: