‘अपाङ्गता भएका व्यक्तिको हक अधिकारको सुनिश्चित हुनुपर्छ’


१३ औं विश्व डाउन सिण्ड्रोम दिवस मनाइयो

प्रकाशित मिति :2018-03-21 17:32:56

–महिला खबर–
काठमाडौं । १३ औं विश्व डाउन सिण्ड्रोम दिवस विभिन्न कार्यक्रमको आयोजना गरेर मनाइएको छ । डाउन सिण्ड्रोम समाज नेपालको आयोजना तथा काठमाडौं महानगरपालिका २६ वडाको सहयोगमा दिवस मनाइएको हो ।

दिवसका अवसरमा ‘मेरो समुदायलाई म के दिन सक्छु’ भन्ने मूल नारासहित काठमाडौंको रत्नपार्कस्थित शान्तिबाटिकाबाट निकालिएको ¥याली जमल, दरबारमार्ग, केशर महल हुँदै समाज कल्याण परिषदमा गएर सम्पन्न भएको थियो ।

कार्यक्रमको उदघाटन गर्दै महिला बालबालिका तथा जेष्ठ नागरिकमन्त्री थममाया थापाले राज्यले सबै प्रकारका अपाङ्गता भएका व्यक्तिहरु हक अधिकारको सुनिश्चित गरी उनीहरुलाई सम्मानजनक रुपमा समाजमा स्थापित गराउनुपर्नेमा जोड दिइन् । उनले डाउन सिण्ड्रोम लगायत सबै प्रकारका अपाङ्गता भएका व्यक्तिहरुको आवश्यकता अनुसार सक्दो सहयोग गर्ने प्रतिवद्धता समेत व्यक्त गरिन् ।

सोही मन्त्रालयका अपाङ्गता अधिकार प्रवद्र्धन शाखाका उपसचिव केशब भट्टराईले आगामी दिनमा नेपालका ७ वटै प्रदेशहरुमा महिला बालबालिका तथा जेष्ठ नागरिक मन्त्रालय मार्फत अपाङ्गता भएका व्यक्तिहरुका लागि पुनस्र्थापना गृहको स्थापना गर्ने कार्यक्रमको तय भएको बताए ।

कार्यक्रममा आयोजक संस्था डाउन सिण्ड्रोम समाज नेपालकी अध्यक्ष शिला थापाले दिवस मनाउन थालेपछि विगतको तुलनमा डाउन सिण्ड्रोम अपाङ्गता प्रति केही सकारात्मक चेतना जागेको र आगामी दिनमा नेपाल सरकारले यो दिवसलाई सम्बन्धित मन्त्रालय मार्फत नै मनाउनुपर्नेमा जोड दिइन् ।

काठमाडौं महानगरपालिका २६ वडाका वडा अध्यक्ष खेमराज तिवारीले सबै स्थानीय निकायहरुले सबै प्रकारका अपाङ्गता भएका व्यक्तिहरुको क्षेत्रमा काम गर्नका लागि बजेट विनियोजन गर्नु पर्ने र काडमाडौं महानगरपालिकाले आफ्नो स्रोत साधनको आधारमा डाउन सिण्ड्रोम अपाङ्गता र अन्य प्रकारका अपाङ्गता भएका व्यक्तिहरुलाई सक्दो सहयोग गर्ने बताए ।

मन्त्री थममाया थापाले डाउन सिण्ड्रोम समाज नेपालबाट निर्माण गरिएको नयाँ वर्ष २०७५ को पात्रो र डाउन सिण्ड्रोम सम्बन्धीको स्टिकरको विमोचन गरेकी थिइन् । कार्यक्रममा डाउन सिण्ड्रोम समाज नेपाललाई सहयोग गर्ने विभिन्न व्यक्तिहरुलाई प्रसंशा पत्र समेत वितरण गरिएको थियो ।

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: