अमेरिकामा बालबालिकाको चित्रमा महिला वैज्ञानिकको संख्या बल्ल बढ्दै


प्रकाशित मिति :2018-03-25 12:28:33

एउटा नयाँ अध्ययन अनुसार दश वर्ष अगाडिको तुलनामा अमेरिकाका बच्चाहरूले अहिले बढी महिला वैज्ञानिकहरूको चित्र गर्न थालेका छन् ।

सन् १९६० देखि समाजशास्त्रीहरूले वैज्ञानिकको चित्र कोर्न लगाएर त्यसलाई सोधपत्रको रुपमा आफ्ना विभिन्न अध्ययनहरूमा प्रयोग गर्दै आएका छन् ।

अमेरिकाको नर्थवेस्टर्न विश्वविद्यालयका अनुसन्धानकर्ताहरूले पाँच दशकहरूमा प्रयोग गरिएका उक्त सोधपत्रहरूको विश्लेषण गरे ।

जब सन् १९६० र १९७० को दशकहरूमा जन्मेका बच्चाहरूलाई एक वैज्ञानिकको चित्र बनाउन लगाइएको थियो जम्मा एक प्रतिशत भन्दा कम बच्चाहरूले महिला वैज्ञानिकको चित्र बनाएका थिए । योसन् १९८० को दशक र आजको समयको आउँदा २८ प्रतिशतले बढ्यो ।

यद्यपि बच्चाहरूलाई एउटा वैज्ञानिकको चित्र बनाउन लगाउँदा उसले एक पुरुषको नै चित्र बनाउने संभावनाहरू अझै पनि धेरे छन् ।

यसको कारण बच्चाहरू वैज्ञानिकहरूको संसारमा बढी नजिक हुने मौका पाए र विज्ञानमा पुरुष प्रभुत्वको बारेमा उनीहरूलाई धेरै जानकारी प्राप्त भयो, अध्ययनका सह–लेखक प्रोफेसर एलिस ईगलीले बीबीसी समाचारलाई बताए ।

“बच्चाहरूले अझै महिला वैज्ञानिकहरू भन्दा बढी पुरुष वैज्ञानिकहरू बनाउनमा आफ्नो वातावरणले प्रतिविम्बित गरेको तथ्य छ,” अध्ययनका प्रमुख लेखक डेविड मिलरले बताए, “विज्ञानको क्षेत्रमा महिलाको प्रतिनिधित्व कम रहेको हामीले देख्न सक्छौँ । त्यसैले (चित्रमा) महिला समान संख्यामा देखिने आशा गर्न सक्दैनौ । तैपनि उत्साहजनक रुपमा हामी बालबालिकाको स्टेरियोटाइपहरू समयसँगै परिवर्तन भएको देख्न सक्छौं ।”

सन् १९६० पछि विज्ञानको क्षेत्रमा महिलाको प्रतिनिधित्वमा सुधार आएपनि केटीहरूले वैज्ञानिकहरूको तस्विर बनाउँदा ५८ प्रतिशत पुरुषको चित्र कोर्छन् भने केटाहरूले ९६ प्रतिशत पुरुष वैज्ञानिकहरूको चित्र बनाउने गरेको पाइन्छ ।

उक्त अध्ययन अनुसार सन् २०१३ सम्ममा संयुक्त राज्य अमेरिकामा महिला वैज्ञानिकको संख्या बढ्दै थियो– ४९ प्रतिशत महिलाजैविक वैज्ञानिकहरू, ३५ प्रतिशत रसायनशास्त्री र ११ प्रतिशत फिजिसिट र खगोलशास्त्रीहरू थिए ।

साभारः–बीबीसी

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: