सहभागिता र सशक्तिकरणका लागि ज्ञापन पत्र


प्रकाशित मिति :2018-03-26 17:42:01

–रुजु खतिवडा–

पाँचथर । महिला सशक्तिकरण समूहले जिल्लास्थित राजनीतिक दल तथा सरकारी निकायलाई महिला सहभागिता र महिला सशक्तिकरण गराउन माग गर्दै ज्ञापनपत्र बुझाएका छन् ।

स्मार्को कार्यक्रमअन्तर्गत पाँचथरका साविकका मेमेङ, प्राङबुङ, लुङरुपा, हाङगुम र ओलने गाविसमा गठित महिला सशक्तिकरण समूहले दलहरु तथा सरकारी निकायलाई एकै कार्यक्रममा भेला गरेर आफ्ना माग पेश गरेका हुन् । जागरण नेपालको सहयोगमा हुकोडेक नेपालले सञ्चालन गर्दै आएको कार्यक्रम अन्तर्गत आयोजित जिल्ला स्तरीय सार्वजनिक सुनुवाईमा यस्तो ज्ञापनपत्र पेश गरिएको हो ।

ज्ञापनपत्रमा दलहरु स्थानीय तहका प्रमुख, उपप्रमुख, वडाध्यक्ष, प्रदेश तथा प्रतिनिधि सभा सदस्यका उम्मेद्वार छनौटमा उदासिन भएको पाइएको भन्दै महिलाहरु उम्मेद्वार बन्न उत्प्रेरित गर्नुपर्ने तथा अनुकुल वातावरण निर्माण गरिनुपर्ने माग गरिएको छ । यस्तै महिला सहभागिता अभिवृद्धिका लागि नीतिगत तहबाट समस्या सम्बोधन गर्न पहल गर्न पनि दलहरु र सरकारी निकायलाई माग गरिएको छ । महिलाको उपस्थिति नीति निर्माण तहमै सबल हुनुपर्नेमा उनीहरुको जोड छ । निर्णायक तहमा महिला सहभागिता सवलिकरणका लागि दलहरु प्रतिवद्ध र जिम्मेवार हुनुपर्ने तथा सरकारी निकायहरुले सहयोग गर्नुपर्ने माग गरिएको छ ।

यस्तै महिला सशक्तिकरण समूहहरुलाई स्थानीय तहमा दर्ता गरि महिला सहभागिता र सशक्तिकरणमा सहयोग गर्नुपर्ने माग पनि उनीहरुले गरेका छन् । स्थानीय तहका सेवा गुणस्तरीय, पारदर्शी र प्रभावकारी हुन नसक्दा महिलाको आय स्तर उकास्ने तथा राजनीति, सुशासन, निर्वाचन, निर्णायक तहमा पुग्ने आधारको रुपमा रहेको आर्थिक उपार्जनको माध्यम कमजोर भएको उनीहरुको निश्कर्ष छ । उनीहरुले अविलम्ब सरकारी सेवा गुणस्तरीय बनाइनुपर्नेमा जोड दिएका छन् ।

सीमान्तकृत समुदायका महिलाहरु कमजोर आर्थिक अवस्थाकै कारण घरेलु हिंसा लगायत समस्यामा झेलिएर बस्न बाध्य रहेको भन्दै उनीहरुले उनीहरुको अवस्था सुधारका लागि प्रयाप्त बजेट छुट्टयाउन माग गरेका छन् । यस्तै महिला जनप्रतिनिधिहरुमा आफ्नो काम, कर्तव्य, अधिकार र दायित्वको पूर्ण ज्ञान नभएको भन्दै उनीहरुले महिला जनप्रतिनिधिहरुलाई सक्षम बनाइनुपर्नेमा समेत जोड दिएका छन् ।

सशक्तिकरण समूहहरुले घरेलु हिंसा न्यूनिकरणको कार्ययोजना बनाई लागू गर्न माग गरेका छन् । उनीहरुले लघु वित्त र बढी नाफा कमाउन उद्धत केही सहकारीका कारण महिलाहरु ठगिएको र समाजमा समस्या उत्पन्न हुन लागेको भन्दै नियमनका लागि सरकारी निकायको ध्यानाकर्षण समेत गराएका छन् ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: