समाचार प्रभावः बीएण्डसी अस्पतालले अनुपाको निशुल्क अपरेशन गरिदिने


प्रकाशित मिति :2018-03-29 10:29:33

–सन्देश सुब्बा–

पाँचथर । डेढ दशकदेखि टाउको र छातीमा बमको छर्रा बोकेर बाँचेकी अनुपा राईको झापाको बिर्तामोडस्थित बीएण्डसी अस्पतालले निशुल्क अपरेशन गरिदिने भएको छ ।

पार्टीको लापरबाहीका कारण द्वन्द्वमा घाइते पूर्व लडाकुको सूचिमा समेत नपरेकी अनुपाको हालसम्म पनि उपचार हुन सकेको थिएन । उनीबारे ‘क्षतिपूर्ति चाहिँदैन, टाउको र छातिमा गढेका गोलिका छर्रा निकालिदेउ’ शीर्षकको सामग्री महिला खबरमा प्रकाशित भएपछि बीएण्डसी अस्पतालले निशुल्क उपचार गरिदिने भएको हो ।

पूर्व माओवादी छापामार अनुपा २४ वैशाख २०५९ मा भोजपुरको चैनपुर आक्रमणको क्रममा सेनाको बङ्करमा परी गम्भीर घाइते भएकी थिइन् । त्यतिबेलै उनको टाउको र छातीमा छर्रा गढेको थिए ।

घाइते अवस्थामै आफ्ना साथीहरुसँग समेत छुटेकी अनुपा सात दिन जंगलमै बसी २१ दिन पछि पार्टीको सम्पर्कमा पुगेकी थिइन् । त्यतिबेला सम्ममा उनलाई पार्टीले सहिद घोषणा गरिसकेको थियो ।

ओखलढुंगाको चिसङखुगढी गाउँपालिकाको कुइभीरमा जन्मेकी अनुपा २०५८ सालमा माओवादीमा लागेकी थिइन् । उनले युद्धकालमा चैनपुर सहित पाँच वटा युद्ध लडेकि थिइन् । हाल उनी पाँचथरको हिलिहाङ गाउँपालिका–७, सुभाङको एकचेपामा बस्छिन् ।

युद्धकालमै २०६० सालमा सहयोद्धा मन कुमार राई सँग बिबाह गरेकी अनुपाको २०६२ सालमा छोरा जन्मेपछि माओवादीले शैन्य फाँटबाट बिदा दिएको थियो । २०६३ सालमा उनी श्रीमानको घर पाँचथर आएकी हुन् ।

अस्पताल स्रोतका अनुसार अनुपालाई शुक्रबार चेकजाँचका लागि बोलाइएको छ । चेकजाँच पछि उनको अवस्था हेरेर बाँकी उपचार अघि बढाउने अस्पतालले महिला खबरलाई जानकारी दिएको छ ।

‘क्षतिपूर्ति चाहिँदैन, टाउको र छातीमा गढेका गोलीका छर्रा निकालिदेउ’

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: