सिपसँगै आत्मनिर्भर बन्ने सपना


प्रकाशित मिति :2018-04-05 16:50:18

–महिला खबर–

लमजुङ । उमेरले भर्खरै २० वर्ष पुगिन्, लमजुङ सदरमुकाम बेसिशहरकी मनिषा परियार । एसइइ दिने बेलामा बिरामी भएसँगै उनको पढ्ने इच्छा भने टुंगियो । अहिले उनी सिप सिक्न उत्सुक छिन् ।

उनका बुबा पनि सिलाई व्यवसाय गर्छन् । बुबाले सिकाइदिए पनि उनी पोख्त हुन सकिनन् । अहिले उनी लमजुङमा नै सञ्चालन भइरहेको तीन महिने निःशुल्क सिलाई कटाई तालिम लिँदै छिन् । उनी भन्छिन्, ‘तालिम लिन थालेको धेरै दिन भयो । अहिलेसम्म पेटिकोटदेखि भोटो बनाउनसम्म सिकीसकेको छु । अझै धेरै सिक्न बाँकी नै छ ।’

उनी सिकेको कुरा व्यवहारमा पनि उर्ताछिन् । बिहान तालिम लिन्छिन् । दिउँसो त्यहि सिकेका कुरा बुबासँगै काम गर्छिन् । उनी भन्छिन्, ‘म सिप सिकेर आफ्नै खुट्टामा उभिएर आत्म निर्भर बन्न चाहन्छु । पढाइ त पुरा गर्न सकिन् । तर सिप सिकेर केही गर्छु । सिप सिकेर व्यवसायमा लाग्दा मान्छे व्यस्त भईदो रहेछ । एक्लै हुँदा मनमा अनेक कुरा खेल्थ्यो । तर अहिले त्यो सबै हटेको छ ।’

सिप नहुँदा महिलालाई हेप्ने र उनीहरूमा क्षमता छैन् भन्ने हुन्छ । सिप हुन सकेमा महिलाहरू आर्थिक रुपमा पनि सक्षम हुने उनको अनुभव छ ।

उनी मात्र होइन् लमजुङ बेसिशहर नगरपालिका नाल्माकी २१ वर्षीया सान्ता वि.क पनि उनीसँगै तीन महिने सिलाई कटाई सिकरिहेकी छन् । सानैदेखिको सिप सिक्ने उनको इच्छा अहिले पुरा भएको छ । गाउँमा घाँस दाउरा गर्दै बसेकी सान्ता तालिमको आवेदन खुलेको थाहा पाउने बित्तिकै आवेदन दिन सदरमुकाम हानिइन् । तालिम लिनका लागि उनी छनोटमा परिन् । अहिले तालिम लिँदैछिन् । कक्षा दशसम्म मात्र अध्ययन गरेकी सान्तालाई सिप सिकेर आफै आत्मनिर्भर बन्ने ठूलो धोको छ ।

उनी भन्छिन्, ‘सिप नहुँदा घरपरिवारबाटै हेला हुँदो रहेछ । अरुको भरमा बाँच्न साह्रै गाह्रो हुँदो रहेछ । ’सिप नहुँदा युवायुवतीहरू साथिसंगिको लहलगैमा लाग्ने, दुव्र्यसनीमा फस्ने गरेको उनी बताउँछिन् । अहिले एक तहको मात्र तालिम लिएकी सान्ताले दुई तहसम्म तालिम लिएर आफ्नै व्यवसाय सञ्चालन गर्ने इच्छा रहेको बताइन् । उनी भन्छिन्, ‘सिप सकिएपछि आफ्नै व्यवसाय गर्ने सोच छु ।’

अर्घाखाँची घरभई दुई वर्षदेखि लमजुङ सदरमुकाम बेसिशहरमा बस्दै आएकी २५ वर्षीया सिता ताम्राकार पनि तीन महिने टेलरिङ सिक्दैछिन् । यसअघि घरधन्दामै सिमित रहेकी ताम्राकार सिप सिकेर आफ्नो जीवनमा केही गरौँ भन्ने इच्छा लिएर तालिममा सहभागि भएको बताउँछिन् । आफूले सिप सिकेर आत्मनिर्भर बन्नसके एक, दुई पैसाको लागि श्रीमानको भर पर्न नपर्ने उनको भनाइ छ । घरमा खाना पकाउने, घरधन्दा गर्ने समय अहिले सिप सिक्नमा परिणत भएको उनले बताइन् ।

बेसिशहर ११ घर भएकी सिता थापाघर्ती सिप सिक्नकै लागि बेसिशहर रानिकुवाबाट झन्डै ४५ मिनेटको बाटो हिँडेर आउँछिन् । उनी भन्छिन्, ‘केही सिकेको थिइन् । दिनभरि घरमै हुन्थे । आफू पनि केही गरौं । श्रीमानको मात्र कति भर पर्ने भनेर सिप सिक्न थाले ।घरको समय व्यवस्थापन गर्दै आफू तालिम लिन आएको उनी बताउँछिन् । दुई तहसम्मको तालिम लिएर आफ्नो खुट्टामा आफैँ उभिउने उनको इच्छा छ ।

उनी भन्छिन्, ‘सधैँ अरुको भरका बस्नुुभन्दा आफूले कमाउनुमा धेरै फरक पर्छ । आफूले केहि गरे सन्तान र आफ्नै भविश्य पनि राम्रो हुन्छ ।’ सिप नहुँदा हेपिने गरेको समेत उनको अनुभव छ ।

नेपाल सरकार, शिक्षा मनत्रालय, व्यवसायिक शिक्षा तथा तालिम अभिवृद्धि परियोजना (इभेन्ट)को सहयोगमा सञ्चालन भएको तीन महिने तालिममा विहान र दिउँसो गरी ४० जना महिलाहरूले सिलाई कटाई तालिम लिइरहेका छन् ।

‘हिंसाबाट मुक्त हुन सिप आवश्यक’

प्रशिक्षक ममता बस्याल भन्छिन्, ‘घरेलु हिंसाबाट टाढा रहन पनि महिलालाई सिप आवश्यक पर्छ । जब महिला आर्थिक रुपमा आत्मनिर्भर हुन्छन्, तब घरपरिवार र श्रीमानले हेर्ने दृष्टिकोण नै फरक हुन्छ ।’

अर्को कुरा घरकै काममा मात्रै व्यस्त महिलालाई आफ्नो र छोराछोरीको साना–साना आवश्यकता पूरा गर्न पनि सिपले सहयोग गर्ने उनी बताउँछिन् । कतिपय आमाहरूले छोराछोरीको आवश्यकता पुरा गर्न पनि श्रीमानसँग हात जोड्नुपर्ने अवस्था रहेको उनको भनाइ छ ।

    Comment Here!

Related NEWS
मुख्य खबर

पत्रकार मृत फेला

-महिला खबर- पत्रकार निर्मला पहराई शुक्रबार मृत फेला परेकी छिन् ।

बैठकमा महिला सहभागिता नभएकोमा चिन्ता

-महिला खबर- गैर आवासीय नेपाली संघले अमेरिका क्षेत्रको क्षेत्रीय बैठकमा महिलाको सहभागिता हुन नसकेको विषयप्रति ध्यानाकर्षण

खाद्यान्न सहयोग

अछामको मंगलसेन नगरपालिकाका दुई वडामा ६० जना विपन्न एकल महिलालाई अछाम जेसिजले खाद्यान्न सहयोग गरेको

सुरक्षित मातृत्व तथा प्रजनन् स्वास्थ्य अधिकार नियमावली स्वीकृत

काठमाडौँ । सुरक्षित मातृत्व तथा प्रजनन् स्वास्थ्य अधिकार ऐन, २०७५ लागु भएको तीन वर्षपछि नियमावली

उद्यमी महिलालाई अनलाइन बजारीकरण र ऋणमा समस्या

-महिला खबर- कोभिड-१९ को असरका कारण ऋण चुक्ता गर्न नसकेको र कर्मचारीलाई तलव दिन समस्या भएको

Read more
ताजा अपडेट
© 2015.All rights reserved by mahilakhabar.com
%d bloggers like this: