सामाजिक परिचालिकाः योग्यताको कदर खोइ ?


प्रकाशित मिति :2018-04-08 16:59:50

–महिला खबर–

ललितपुर । महिला तथा बालबालिका कार्यालयमा कार्यरत देशभरका सामाजिक परिचालिकाहरूले श्रेणी निर्धारण गरी स्थानीय निकायमा स्वतः समायोजनको नीतिगत व्यवस्था गर्न माग गरेका छन् ।

केन्द्रीय सामाजिक परिचालक संघर्ष\समन्वय समितिले आइतबार एक विज्ञप्ति जारी गर्दै सेवा अवधि १८ वर्ष पुगि सक्दा समेत कामको कुनै मूल्यांकन, योग्यताको कदर र रोजगारीको दिगो व्यवस्थापन गर्ने काम नभएको बताएको छ ।

विज्ञप्तिमा भनिएको छ, ‘जीवनको उर्जाशिल समय आफू र परिवार मात्र नभनी समाज, गाउँ टोलमा लैंगिक विभेद हटाउन, विकृति विसंगती, कुप्रथा, छुवाछुत, बाल तथा बहुविवाह, महिला समूह र सामाजिक भावनाको विकास गर्दै सहकारी अभियान, सामाजिक सांस्कृतिक आर्थिक एवं महिला सशक्तिकरणको विभिन्न जागरण अभियानमा गाउँगाउँमा द्वन्द्वकालीन अवस्थामा समेत जोखिममा रही संघर्ष गर्दै सेवा तथा काममा खटिरह्यौ । तर श्रेणीविहीन सामाजिक परिचालिका मात्र नभई २०५६\५७ सालमा महिला मन्त्रालयले बनाएको निर्देशिकालाई हालसम्म समेत परिमार्जन नगरी अन्य भइरहेको छ ।’

समितिले नयाँ संविधान तथा नयाँ संरचना कार्यान्ययन भैरहेको अवस्थामा सामाजिक परिचालिका माथि लैंगिक विभेद र श्रेणीविहिन तथा न्युनतम पारिश्रमिकको मापदण्ड समेत नीतिगत व्यवस्था नभएको भन्दै ध्यानकर्षण गराएको छ ।

‘हामी जस्तै समान प्रकृतिका कर्मचारी र अन्य मन्त्रालयको कर्मचारीहरूको पेशागत संरक्षण र दिगो व्यवस्थापन गरी स्थायी समेत भैसकेको अवस्था छ । सामाजिक परिचालिकाको शुरु नियुक्ति भएको मितिबाट जम्मा पारिश्रमिक १० सय बाट, दुई हजार रुपैयाँ र आन्दोलन पश्चात ३५ सय बाट ५ हजार रुपैयाँमा सेवारत छौँ । अहिले पारिश्रमिक वृद्धिका लागि सर्वोच्च अदालतको निर्देशनात्मक आदेश बमोजिम केही न्युन बजेट छुट्याइएको छ । यसले न्युन सेवा सुविधामा गाउँमा समन्व्यको लागि सञ्चार खर्च समेत नपुग्ने भएकाले यस्ता खालको विभेदित अन्यया तथा कामकारबाही प्रति खेद तथा दुःख व्यक्त गर्दछौं’ विज्ञप्तिमा भनिएको छ ।

महिला तथा बालबालिका कार्यालयमा ७५ जिल्लामा कार्यरत महिला कर्मचारी तथा कार्यालय प्रमुखको नीगित व्यवस्था मिलाई स्थयी गरीसकेको अवस्थामा सोही कार्यालयमा कार्यरत सामाजिक परिचालिका र कार्यालय सहयोगि पुरुष कर्मचारी अस्थायीलाई वेवास्था भइरहेको भन्दै संघर्ष समितिले भविष्य नै अन्यलमा पुगेको बताएको छ ।

संघर्ष\समन्वय समितिका संयोजक कविता थापाले आफूहरूको माग सम्बोधन भएर कडा संघर्षका आन्दोलनमा उत्रिने बताइन् । समितिले आइतबार विरोध ¥याली समेत निकालेको थियो ।

यस्तै आफ्ना माग सम्बोधन गर्न भन्दै काठमाडौं भद्रकालिमा विगत ९ दिनदेखि बाजुराकी सरस्वती गिरी, सिराहाकी गीताकुमारी चौधरी र रामेछापकी डिलकुमारी थिङ अनशनमा बसिरहेका छन् ।

महिला बालबालिका तथा जेष्ठ नागरिक मन्त्रालय अन्तर्गत २०५६\५७ मा जागृती तथा आयआर्जन कार्यक्रम निर्देशिका र महिला विकास कार्यक्रम ७५ जिल्लाको महिला तथा बालबालिका कार्यालयमा विधिवत् प्रक्रिया मार्फत मापदण्डमा रही देशभर ६ सय ९७ जना नियुक्त गरिएको थियो ।

    Comment Here!

Related NEWS
मुख्य खबर

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

Read more
ताजा अपडेट
© 2015.All rights reserved by mahilakhabar.com
%d bloggers like this: