बानको महासचिवमा दुर्गा विजयी


प्रकाशित मिति :2018-04-08 17:31:53

–महिला खबर–

ललितपुर । नेपालका नीजि रेडियोहरुको संस्था ब्रोड्काष्टिङ एसोसियसन अफ नेपाल (बान) को महासचिवमा पहिलो पटक महिला विजयी भएकी छन् ।

दुर्गा अधिकारी

बानको शनिबार काठमाडौंमा सम्पन्न छैठौं साधारणसभाले दुर्गा अधिकारीलाई महासचिवमा विजयी गराएको हो । पोखराको रेडियो सफलताकी प्रबन्ध निर्देशक अधिकारी डेढ दशकदेखि पत्रकारितामा क्रियाशील छन् ।

यस्तै बानको केन्द्रीय कमिटीमा अन्य चार जना महिला विजयी भएका छन् । २३ सदस्यीय केन्द्रीय कमिटीमा पोखराकी हिरा भट्टराई, चितवनकी मुना गुरुङ्, धरानकी हिमाल राई केन्द्रीय सदस्य पदमा र उदयपुरकी रेणु पराजुली र रुपन्देहीकी उषाकिरण पन्थ आमन्त्रित केन्द्रीय सदस्यमा निर्वाचित भएका छन् ।

अध्यक्षमा चन्द्र न्यौपाने

बानको अध्यक्षमा भने चन्द्र न्यौपाने निर्वाचित भएका छन् । काठमाडौंमा भएको अधिवेशनले सप्तकोशी एफएम इटहरीका प्रबन्ध निर्देशक न्यौपानेलाई बानको अध्यक्षमा सर्वसम्मत चयन गरेको हो ।

चन्द्र न्यौपाने

उपाध्यक्षमा कुमार भट्टराई, महासचिवमा दुर्गा अधिकारी, उप–महासचिवमा गोविन्द कुशियारी सचिवमा राजकुमार थापा र कोषाध्यक्षमा नविन राई लगायत सदस्यहरु सर्वसम्मत चयन भएका छन् ।

प्रदेश नम्बर १ को संयोजकमा सन्देशदास श्रेष्ठ र उप–संयोजकमा गिरीराज भट्टरार्ई ,प्रदेश नम्बर २ को संयोजकमा आरसी यादव ३ को संयोजक विपिन ढुंगाना, प्रदेश नम्बर ४ को संयोजक किरण लोहनी, प्रदेश ५ को संयोजक माधव नेपाल सर्वसम्मत चयन भएका हुन् । प्रदेश नम्बर ७ को संयोजकमा भने ज्ञानेन्द्र महतारा विजयी भएका छन् । उनले १४ मत प्राप्त गरे ।

सबै पदमा सर्वसम्मत भए पनि प्रदेश नम्बर ७ को संयोजकका लागि चुनाव भएको थियो । प्रदेश नम्बर ६ मा भने सदस्य रेडियो नभएकाले कमिटि चयन हुन भने सकेन ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: