घरमै सुत्केरी हुन्छन् ४१ प्रतिशत महिला


प्रकाशित मिति :2018-04-09 13:38:17

–महिला खबर–

ललितपुर । नेपालका ४१ प्रतिशत महिला घरमै सुत्केरी हुने गरेको पाइएको छ । स्वास्थ्य मन्त्रालयले गरेको जनसांख्यिक स्वास्थ्य सर्वेक्षण अनुसार ५७ प्रतिशत महिला मात्रै सुत्केरी हुन स्वास्थ्य संस्था जाने गरेका हुन् ।

बाँकी २ प्रतिशत महिलाले भने बाटोमा, काम गर्न जाँदा खेतबारी लगायतका ठाउँमा बच्चा जन्माउने परिवार स्वास्थ्य महाशाखाकी प्रजनन् स्वास्थ्य प्रमुख डा. पुण्य पौडेलले जानकारी दिईन् ।

स्रोत : २०१६ नेपाल जनसांख्यिक तथा स्वास्थ्य विवरण

सर्वेक्षणमा भनिएको छ – सन् १९९६ मा ८ प्रतिशत बच्चा मात्र स्वास्थ्य संस्थामा जन्माउने गरिएको थियो भने सन् २०१६ मा बढेर ५७ प्रतिशत पुगेको छ ।

सर्वेक्षण अनुसार स्वास्थ्य संस्थामा सुत्केरी हुनेमध्ये सबैभन्दा बढि ९० प्रतिशत सम्पन्न परिवारका महिला छन् । भने एस.एल.सी. वा सो भन्दा माथी शिक्षा हासिल गरेका ८५ प्रतिशत छन् ।

सर्वेक्षणमा जनाइएअनुसार १५–४९ वर्ष उमेर समूहका १० गर्भवती महिलाहरुमध्ये ८ भन्दा बढि ८४ प्रतिशत महिलाहरुले डाक्टर, नर्स वा अ.न.मी.जस्ता दक्ष प्रसुतीकर्मीबाट गर्भवती सेवा लिएपनि तिमध्ये सबैले अस्पतालमा सुत्केरी नहुने गरेका छन् ।

घरमै जन्मिएका दश शिशु मध्ये एक शिशुको जन्म कसैको सहयोग विना नै हुने गरेको छ । तर, समग्रमा हेर्दा ५८ प्रतिशत शिशुको जन्म दक्ष प्रसुतीकर्मीबाट हुने गरेको जनाइएको छ ।

पहिलोपटक सन्तान जन्माउने महिलामध्येमा २४ प्रतिशत महिलाले दक्ष स्वास्थ्यकर्मीको सेवा लिँदैनन् । सर्वेक्षणमा जनाइए अनुसार पहिलो पटक बच्चा जन्माउने मध्ये ७६ प्रतिशत महिलाले मात्रै दक्ष प्रसुतीकर्मीबाट सुत्केरी गराउने गरेको पाईएको छ ।

तिमध्ये सम्पन्न परिवारका ८९ प्रतिशत र एसएलसी माथि अध्ययन गरेका ८५ प्रतिशत महिलाले दक्ष प्रसुतीकर्मीको सेवा लिएका छन् ।

दक्ष प्रसुतीकर्मीबाट सुत्केरी गराउनेको प्रतिशत सन् १९९६ मा ९प्रतिशत थियो भने सन् २०१६ मा ५७ प्रतिशत पुगेको हो ।

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: