गर्भपतन गराउनेमा किशोरी धेरै


प्रकाशित मिति :2018-04-09 15:09:32

– महिला खबर–

ललितपुर । पछिल्लो चार महिनाको अवधिमा १६ देखि १८ वर्षसम्मका किशोरीले बढी गर्भपतन गराएका पाइएको छ ।

केन्द्रीय बालकल्याण समितिले चार महिनाको अवधि (मंसिरदेखि फागुनसम्म) सञ्चार माध्यममा प्रकाशित बालबालिका सम्बन्धी विभिन्न घटनाहरूको चौमासिक विश्लेषणका क्रममा यस्तो तथ्य पाइएको हो ।

यस अवधिमा १८ वर्षमुनीको गर्भपतनसम्बन्धी ११ वटा घटना बाहिर आएका छन् । जसमा १५ वर्षमुनीको ४ जना र १६ देखि १८ वर्षसम्मको ७ जना बालिकाले गर्भपतन गराएका जनाइएको छ ।

गर्भपतन गराउनेमा कलेज पढ्ने २ जना, उमेर नपुगी बच्चा जन्माउँदा हुने समस्याका कारण ४ जना र अन्य विविध कारणले गर्भपतन गराएको पाइएको छ ।

जिल्लागत रुपमा गर्भपतनका घटनालाई हेर्दा सबैभन्दा बढी इलाम जिल्लामा ४ वटा घटना देखिएका छन् भने अन्य जिल्लाहरुमा अछामा ३, काठमाडौंमा १ र सुर्खेतमा एउटा भएको समाचार प्रकाशमा आएको छ ।

लिङ्गको आधारमा गर्भपतन गर्ने, गराउने दुवैलाई एक वर्ष कैद तोकेको छ र पनि काठमाडौं लगायत विभिन्न जिल्लामा गर्भपतन गराउनेको संख्या बृद्धि हुँदै गएको पाइन्छ । अवैध सम्बन्ध, गलत सामाजिक मूल्य मान्यता, छोराको चाहना अनि प्रविधिको गलत प्रयोगका कारण गर्भपतन गर्नेकोे क्रम बढेको जनाइएको छ ।

जिल्ला जनस्वास्थ्य कार्यालय काठमाडौंको आर्थिक वर्ष २०७३\०७४ को तथ्याङ्क अनुसार तीन हजार भन्दाबढी २० वर्षमुनीका किशोरीहरुले गर्भपतन गराएको पाइएको छ । उक्त तथ्याङ्कलाई हेर्दा किशोरावस्थामा हुने असुरक्षित गर्भपतनसम्बन्धी समस्या गम्भिर बन्दै गएको देखिन्छ ।

कानूनले लिङ्ग पहिचानको आधारमा गर्भपतन गराउने उद्देश्यले भ्रूणको लिङ्ग पहिचान गराएमा गर्ने, गराउने दुबैलाई ६ महिनादेखि २ वर्षसम्म कैदको व्यवस्था गरेको छ ।

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: