फिस्टुला र क्यान्सरको निःशुल्क परीक्षण हुने


प्रकाशित मिति :2018-04-16 14:39:09

–महिला खबर–

ललितपुर । सरकारले महिलाहरुको फिस्टुला र क्यान्सरको परीक्षण निःशुल्क गर्ने भएको छ । स्वास्थ्य राज्यमन्त्री पद्मा अर्यालले महिलाहरुलाई फिस्टुला र क्यान्सर रोगको परीक्षण निःशुल्क गर्ने घोषणा गरेकी हुन् ।

स्वास्थ्य सेवा विभाग परिवार स्वास्थ्य महाशाखाले सुरक्षित मातृत्व दिवसको अवसरमा त्रिवि शिक्षण अस्पतालमा आयोजना गरेको कार्यक्रममा वैशाखदेखि असारसम्मभित्रमा लागू हुने पनि मन्त्री अर्यालले जानकारी गराईन् ।

संचारिका समूहले उत्पादन गर्दै आएको टेलिभिजन कार्यक्रम ‘समकोण’ मा प्रमुख वक्ताको रुपमा आएर उनले यो गम्भीर विषयमा सरकारले निःशुल्क उपचारको व्यवस्था गर्ने प्रतिवद्धता व्यक्त गरेकी थिईन् ।

मन्त्री अर्यालले प्रसव फिस्टुलाका बिरामीको एकिन तथ्यांक अब सरकारले पनि अध्ययन अनुसन्धान गरेर निकाल्ने र उपचारको सहज पहुँचको लागि पनि पहल गर्ने बताईन् । स्वास्थ्य मन्त्रालय र यूएनएफपीएको प्रतिवेदन सन् २०११ का अनुसार नेपालमा हरेक वर्ष करिब २ सयदेखि चार सय जना फिस्टुलाका नयाँ बिरामी भेटिन्छन् ।

सरकारले यसअघि पाठेघरको मुख र स्तन क्यान्सरको परीक्षण निःशुल्क गर्दै आएको छ । यस्तै सरकारले सबै स्थानीय तहमा सुरक्षित मातृत्व कोष खडा गर्ने पनि घोषणा समेत गरेको छ । मन्त्री अर्यालले ‘एक पालिका एक सुरक्षित मातृत्व कोष’ अभियान देशव्यापी बनाइने बताइन् । उक्त कोष आकस्मिक प्रसुति सेवामा उपयोग र प्रयोग गरिनेछ ।

त्यस्तै सार्वजनिक विद्यालयमा पढ्ने छात्राहरुलाई स्यानिटरी प्याड वितरण गर्ने पनि मन्त्री अर्यालको भनाइ छ । अभियान अन्तर्गत कात्तिकदेखि पुससम्म सुरक्षित मातृत्व सम्बन्धी किशोर–किशोरी अवस्थादेखि नै जनचेतना फैलाउने उद्देश्यसहित देशव्यापी रुपमा निबन्ध र वतृत्वकला सम्बन्धी कार्यक्रम सञ्चालन गरिने जनाइएको छ ।

पुसदेखि फागनुसम्म किशोरीहरुलाई महिनावारी हुँदा सरसफाई चेतना अभिवृद्धिका लागि सार्वजनिक विद्यालयमा अध्ययनरत छात्राहरुलाई राष्ट्रव्यापी रुपमा स्यानीटरी प्याड वितरण गरिनेछ । यो अभियानलाई शिक्षासँगै किशोरी तथा महिलाको क्षमता अभिवृद्धिसँग पनि जोडिने मन्त्री अर्यालले बताइन् । कार्यक्रममा शिक्षण अस्पताल महाराजगञ्जमा भर्खरै आमा बनेका ५ जनालाई सम्मान गरिएको थियो ।

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: