युवती हत्याको आरोपमा युवक पक्राउ


प्रकाशित मिति :2018-05-02 13:37:15

–महिला खबर–

लतिलपुर । अछामको पञ्चदेवल नगरपालिका– ९ भानाकोटमा युवती हत्याको आरोपमा एक युवकलाई पक्राउ गरिएको छ । पक्राउ पर्नेमा स्थानीय ३५ वर्षीय तिलक बटाला रहेका छन् । बटालाले २० वर्षीया उर्मिला टमट्टाको हत्या गरेको आरोप लागेको छ ।

           -मृतक युवती-

जिल्ला प्रहरी कार्यालय अछामका प्रमुख प्रहरी नायव उपरीक्षक दधिराम न्यौपानेले मंगलबार बिहान युवक बटालाकै गोठमा उर्मिलाको शव फेला परेपछि बटालालाई नियन्त्रणमा लिएर अनुसन्धान थालिएको महिला खबरलाई बताए ।

दुई दिनदेखि वेपत्ता भएकी युवतीलाई खोजबिन गर्दा बटालाकै गोठमा मृत अवस्थामा फेला फेरेकी थिइन् । घटनास्थल नजिकै २ प्याकेट मुसा मार्ने औषधि समेत फेला परेको उपरीक्षक न्यौपानेले बताए । युवतीको शव पोष्टमाटमका लागि जिल्ला अस्पताल अछाममा राखिएको छ ।

यसैबीच मृतकका दाजुहरूले मंगलबार काठमाडौंमा पत्रकार सम्मेलन गर्दै दोषीलाई कारवाहीको माग गरेका छन् ।  मृतकका दाजु लक्ष्मण टमटा र मदन टमटाले आफ्नी बहिनीको हत्या गरिएको भन्दै हत्यामा सलंग्न दोषीलाई कानूनी कारबाही गर्नुपर्ने माग गरेका हुन् । उर्मिला हालै सम्पन्न एसइईको परीक्षा दिएर बिदामा बसेकी थिइन् ।

मृत्तक उर्मिलाका दाजुहरूले आफ्नी बहिनीको हत्या बटालाले नै गरेको आरोप लगाउँदै अनुसन्धान गरि कडा कारबाही माग गरे ।  मृतकका दाजु लक्ष्मण टमटा भने, ‘डेढ वर्षदेखी बटाला र बहिनीबीच प्रेम सम्बन्ध रहेको जानकारी थियो । त्यो भन्दा बढी केही कुरा थाहा छैन् । आज एक्कासी बहिनीको मृत्यु भएको कुरा सुन्दा हामी विछिप्त भएका छौँं । सरकारले हामीलाई न्याय दिनुपर्छ ।’

तिलक बटाला पेशाले स्वास्थ्यकर्मी हुन् । बटालाले बहिनीलाई प्रलोभन देखाएर स्वार्थ पूरा गरेको र पछिल्लो समयमा आएर घरमा लगेर हत्या गरेको दाजुहरूले आरोप लगाएका छन् । बटाला विवाहित हुन् । उनका एउटा छोरा छन् ।

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: