रक्सीको खुला बिक्री, मारमा महिला


प्रकाशित मिति :2018-05-04 15:16:09

– महिला खबर–

ललितपुर । सहज र सरल तरिकाले रक्सीको बिक्री वितरण बढेपछि अछामका महिलाहरु हिंसामा पर्ने क्रम पनि बढेको छ । जतिसुकै बेला पनि नागरिकले सहजै किन्न र सेवन गर्न पाउने रक्सीका कारण आएको विकृतिको मारमा भने महिला परेका हुन् ।

रक्सी खाएको सुरमा श्रीमानले कुट्पिट गर्दा गएको माघ २८ गते कमलबजार नगरपालिकामा २८ वर्षकी पवित्रा खड्काको ज्यान गयो । श्रीमान केशब खड्का अहिले हत्या अभियोगमा जेलमा छन् ।

२०६९ सालअघिको २४ वर्ष अछाममा रक्सीको विक्री वितरण पूर्ण रुपमा बन्द थियो । तर २०६९ साल चैत्रमा स्थानीय उद्योग वाणिज्य संघले गरेको आन्दोलन पछि रक्सीको खुल्ला विक्री वितरणले मान्यता पायो ।

त्यसयता रक्सीको बिक्री वितरण सहज भयो । आर्थिक वर्ष २०७३\०७४ मा कोष तथा लेखा नियन्त्रण कार्यलय अछामबाट १ हजार १ सय ६९ जनाले मदिरा बिक्रीका लागि इजाजत लिएका थिए । आर्थिक वर्ष २०७४\०७५ को फागुन १५ सम्म १ हजार २ सय ५८ जनाले मदिरा बिक्रीको इजाजत लिएका छन् ।

स्थानीय स्तरमा आयआर्जनको मुख्य पेशा रक्सी बन्न थालेको कोष तथा लेखा नियन्त्रण कार्यलय अछामको तथ्यांकबाट देखिन्छ । घरेलु उद्योग अन्तर्गत अहिलेसम्म ८ सय ३५ उद्योगले रक्सी उत्पादनको लागि इजाजत लिएका छन् ।

वर्षेनी बढ्दै गएको रक्सीको उत्पादन र बिक्री पछि रक्सी सेवन गर्ने पुरुषको संख्या पनि बढ्दै गएको छ । जसका कारण महिलाहरु श्रीमान्, छिमेकी वा नातेदारबाटै कुटपिटमा परेका छन् ।

हामीले यसपटकको समकोणमा अछाममा बढ्दै गएको रक्सीको बिक्री वितरणका कारण बढ्दै गएको महिला हिंसाका विषयमा छलफल गरेका छौँ ।

कार्यक्रममा प्रदेश नम्बर ७ का सामाजिक विकास मन्त्री दीर्घबहादुर सोडारी, साँफेबगर नगरपालिकाका प्रमुख कुलबहादुर कुँवर र पञ्चदेवल नगरपालिकाका उपप्रमुख अम्बिका चलाउने मुख्य वक्ता रहेका छन् ।

आज शुक्रबार बेलुकी ९ बजे कान्तिपुर टेलिभिजनबाट प्रशारण हुने कार्यक्रम समकोणको प्रोमो यहाँ क्लिक गरेर हेर्न सक्नुहुन्छ ।

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: