सरकारले महिनावारी स्वच्छता दिवस मनाउने


प्रकाशित मिति :2018-05-06 13:13:42

-महिला खबर-
ललितपुर । अबदेखि महिनावारी स्वच्छता दिवस सरकारले नै मनाउने भएको छ । खानेपानी मन्त्रालयमा शुक्रबार आयोजित कार्यक्रममा खानेपानी मन्त्री बीना मगरले हरेक वर्ष २८ मे का दिन मनाइने अन्तर्राष्ट्रिय महिनावारी स्वच्छता दिवस यस वर्षदेखि सरकारी स्तरबाट मनाइने बताइन् ।

सरकारी स्तरबाट दिवस मनाउँदा जनचेतना फैलाउन सहयोग पुग्ने भन्दै मन्त्री मगरले भनिन्, ‘महिनावारी स्वच्छताको विषय चेतना र संस्कारसँग जोडिन्छ । तसर्थ, यसमा सरकारको प्रत्यक्ष संलग्नता हुनुपर्छ ।’ मन्त्री मगरले महिनावारीको विषय समाजमा अझै खुलेर भन्न सक्ने अवस्था नरहेको बताइन् ।

?

 खानेपानी तथा सरसफाइ समन्वय परिषद WSCC नेपालका राष्ट्रिय संयोजक गुणराज श्रेष्ठले अबदेखि सरकारी स्तरबाटै दिवस बनाइने भन्दै दिवस मनाउन खानेपानी मन्त्रालय सँगसँगै स्वास्थ्य, शिक्षा, महिला तथा बालबालिका र गृह मन्त्रालयलाई समेत संलग्न गराइने बताए ।

खानेपानी मन्त्रालयका सहसचिव अनिलभद्र खनालको संयोजकत्वमा समिति गठन गरेर दिवसको तयारी गरिने मन्त्रालयका सचिव कृष्णराज बिसीले बताए ।

अन्तर्राष्ट्रिय स्तरमा सन् २०१४ देखि मनाउन शुरु गरिएको दिवस नेपालमा सन् २०१५ देखि मनाउन थालिएको हो । कार्यक्रममा सहभागिहरुले विद्यालय पढ्ने किशोरीलाई महिनावारीको समयमा बढी समस्या हुने गरेको भन्दै विद्यालयमा महिलामैत्री शौचालय हुनुपर्नेमा जोड दिएका थिए ।

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: