कोठी नम्बर ६४ बाट एक किशोरीको उद्धार


प्रकाशित मिति :2018-05-09 12:15:50

–महिला खबर–

ललितपुर । नुवाकोट दुप्चेश्वर गाउँपालिका १ का निलम्बित वडा अध्यक्ष सुनबहादुर तामाङले भारतमा चलाएको कोठीबाट हिजो एक किशोरीलाई उद्धार गरिएको छ । दिल्लीस्थित जी.बी रोडमा वडा अध्यक्ष तामाङकी पत्नी राधा तामाङले संचालन गरेको कोठी नम्बर ६४ बाट नेपालगञ्ज घर भएकी १९ वर्षीया किशोरीलाई उद्धार गरिएको हो ।

के.आई. नेपालको पहलमा उद्धार गरिएकी किशोरीलाई आज नेपाल ल्याइदै छ । किशोरी बेचिएको कोठी नम्बर ६४ मा अन्य ३५ जना नेपालीहरु पनि के.आई. नेपालले जनाएको छ ।

पीडित महिला २ महिना पहिला बेचिएकी थिइन् । विवाहको नाटक गर्दै मुख्य दलाल सुनिल थापा, भारतीय दलाल रमेश ठाकुरले ३० र ३५ हजार रुपैयाँमा छुट्टाछुट्दै व्यक्तिसँग आफूलाई बेचेको ती किशोरीले बताइन् ।

तामाङले भारतका चार ठाउँमा कोठी सञ्चालन गरी २ सय ५० जना महिला तथा बालिकाहरुलाई बेचेर यौन धन्दामा लगाएको बताइएको छ ।

के.आई. नेपालका निर्देशक इन्द्रराज भट्टराईका उद्धार गरिएकी किशोरीले भारतको विहारमा अनेकौ दुःखसँगै नशालु औषधीको सेवन गराइ एक महिनासम्म शारीरिक, मानसिक यातना दिई अन्त्यमा भारतको जी.बी रोडमा आफूलाई बेचेको बताएकी छन् ।

वडा अध्यक्ष तामाङ अहिले मानव बेचबिखन तथा ओसारपसार अभियोगमा कारागार जीवन भोगिरहेका छन् । उनलाई मानव बेचविखन तथा ओसारपसार मुद्दामा नुवाकोट जिल्ला अदालतले २०७४ साल वैशाख ७ गते ३७ वर्ष ६ महिना कैद र दुई लाख पचास हजार रुपैयाँ जरिवानाको फैसला सुनाएको थियो ।

सोही सजाय वेरुजु रही फरार रहेका तामाङलाई केन्द्रीय अनुसन्धान ब्यूरो महाराजगञ्जको टोलिले सुन्धाराबाट पक्राउ गरी काठमाडौं जिल्ला अदालत पेस गरेको थियो ।  जिल्ला अदालतको आदेशले कैद भुक्तानको लागि जगन्नाथदेवल कारागार चलान गर्न आदेश दिएको थियो । यसअघि तामाङलाई सर्वोच्च अदालतले साधारण तारेखमा रिहा गर्न आदेश दिएको थियो ।

    Comment Here!

Related NEWS
मुख्य खबर

उर्मिलाको प्रश्न

-सृजना शर्मा- म उर्मिला तिम्री तिम्रो भागको निद्रा लिएर सुतेकी छु युगौँ युग ए राम अनुज, तिम्रै खातिर मैले

गैर सरकारी एकान्तबास

-मिश्र वैजयन्ती- सबभन्दा मायालाग्दो देखिएको छ भर्खरै किनेको बुट्टेदार सिरानीको खोल ।

गांधारी

-रञ्जना लिम्बू- ए गांधारी! चढेर युगहरुको अक्कर भीरहरु नाघेर सभ्यताका अग्ला पहाडहरु यहाँसम्म आइपुगेर टक्क अडिएका छन मेरा पाइलाहरु मलाई तिम्रो

युद्ध बिरामको घोषणा

-जानु काम्बाङ्ग लिम्बू- न तिमीलाई बुझ्न सकेँ मलाई बुझ्न सक्यौ तिमीले तेसै तेसै मोडीए हाम्रा पाइलाहरू उचालेर शंकाको

म पूरा , तिमी आधा

-मन्जु काँचुली- तिमी– मेरो आकाशको घडामा तैरिने एक टुक्रा अस्थिर बादल मेरो चन्द्रमाको प्रकाशले पानीमा छचल्किने एउटा

Read more
© 2015.All rights reserved by mahilakhabar.com
%d bloggers like this: