बलात्कारको कसुरमा १० वर्ष कैद


प्रकाशित मिति :2018-05-13 11:09:03

–महिला खबर–

पाँचथर । पाँचथर जिल्ला अदालतले बलात्कार गरेको आरोपमा पाँचथरका २ जना युवालाई जनही १० वर्ष कैद सजायको फैसला गरेको छ ।

विहीवार जिल्ला न्यायाधीश मनोज केसीको इजलासले फिदिम नगरपालिका १ का १८ वर्षीय जयन्द्र तामाङ र सोही ठाउँका १९ वर्षीय समिर केरुङविरुद्ध जनही १० वर्ष कैदको फैसला गरेको हो ।

आरोपितहरू विरुद्ध मुलुकी ऐनको महल १४ को जबरजस्ती करणीको ३, ५ अनुसार पाँच वर्ष र सामूहिक बलात्कार गरेकाले ३ क अनुसार थप पाँच वर्ष गरी जनही १० वर्ष कैदको फैसला गरिएको पाँचथर अदालतले जनाएको छ ।

यसैगरी, पीडितलाई आरोपितहरूबाट जनही २० हजार रुपियाँ क्षतिपूर्ति दिलाइ भराइको समेत केसीको इजलासले फैसला गरेको छ ।

पीडितको उजुरी अनुसार ०६९ मा आरोपितहरू विरुद्ध प्रहरीले अभियोग दर्ता गरेको थियो । आरोपितहरू फरार रहेकाले मुद्दा मुल्तवीमा राखिएको थियो ।

प्रहरीले आरोपितहरुलाई गिरफ्तार गरेपछि ०७४ माघ ११ गते मुद्दा दायर गरेको थियो ।

केसी इजलासको फैसला अनुसार आरोपितद्वयलाई कैद भूक्तानका लागि कारागार चलान गरिएको अदालतका सूचना अधिकारी मोहन लिम्बूले जानकारी दिए ।

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: