अभिभावकले जिम्मा नलिँदा किशोरीको बिचल्ली


प्रकाशित मिति :2018-05-13 15:24:49

–महिला खबर–

पर्सा । अभिभावकले जिम्मा नलिएपछि पर्साकी एक किशोरी बिचल्लीमा परेकी छिन् । वीरगञ्ज महानगरपालिकाकी १८ वर्षीया एक किशोरी घुम्न गएको केटा साथीसँग काकाले नै नाम जोडिदिए पछि बिचल्लीमा परेकी हुन् ।

साथीहरुसँग घुम्न गएका बेला किशोरीको काकाले प्रहरीमा खोजिदिन उजुरी गरेका थिए । तर प्रहरीको सम्पर्कमा आइसकेपछि भने जिम्मा लिन समेत नआएको किशोरीले बताइन् । घुम्न गएको केटा साथी आफ्नो प्रेमी रहेको उनले बताइन् ।

सोही महानगरपालिका वडा नम्बर १२ रानीघाटका पंकज साहसँग विहे गरेको भन्दै किशोरीका आफन्तले खोजतलासको उजुरी दिएका थिए । प्रहरीले किशोरी र पंकजलाई यही बैशाख २३ गते पक्राउ गरी जिल्ला प्रहरी कार्यालय पर्सामा उपस्थित गराएको थियो ।

प्रहरीले दुबै जनालाई उपस्थित गराउँदा किशोरीका अभिभावक छोरी बुझ्न प्रहरी कार्यलयमा नआएकाले किशोरीलाई समस्या भएको प्रहरीको महिला तथा बालबालिका सेवा केन्द्र पर्साकी असई सनुजा श्रेष्ठले बताइन् ।

२१ वर्षीय पंकजले १८ वर्षीया भतिजीलाई भगाएको भन्दै सुप्रियाका काकाले प्रहरी कार्यालयमा वैशाख २३ गते उजुरी दिएका थिए । तर, किशोरी र युवक फेला परिसकेपछि प्रहरीले किशोरीलाई घर पठाउन उनका काका, बुबालाई पटकपटक फोन गरे पनि उनीहरु नआएको श्रेष्ठले बताएकी छन् ।

‘प्रहरीले २३ गते नै किशोरीलाई प्रहरी कार्यलयमा उपस्थित गराए पनि परिवारबाट कोही नआउँदा समस्या भएको छ’ असई श्रेष्ठले महिला खबरसँग भनिन्, ‘उजुरी गर्नेहरु प्रहरी कार्यलयमा उपस्थित नहुँदा केटाकेटीलाई त्यत्तिकै छोड्न मिल्दैन । केटालाई अभिभावकको जिम्मा लगाइसकेका छौं । तर केटी पक्ष कोही पनि उपस्थित हुँदैनन् ।’

प्रहरीको जिम्मामा रहेकी किशोरीले भने घरमा आमाबुवाले जबरजस्ती आफ्नो बिहे गर्न खोजेको आरोप लगाएकी छन् ।

साथीसँग घुम्न गएको बेला बिहे गरेको भन्दै अब केटाकै घरमा बस्न दबाब दिएको उनले बताइन् । ‘मेरो उमेरै पुगेको छैन । म पढिसके पछि मात्रै विहे गर्न चाहन्छु ।’ उनले भनिन्, ‘हाम्राबीच प्रेम छ । तर हामी अहिले विहे गर्दैनौं । परिपक्क भएर आ–आफ्नो खुट्टा उभिए भए पछि मात्रै विहे गर्न चाहान्छौं ।’

उनले थपिन्, ‘प्रहरी कार्यलयमा आएको आठ दिन भइसक्यो । म मेरो प्रेमीसँग एक्लै घुम्न पनि गएकी होइन । सामूहिक रुपमा साथीहरुसँगै घुम्न गएका थियौं । त्यही बहाना बनाएर मलाई हराएको भन्दै विहे गरिदिने सोच बनाएका रहेछन् मेरो अभिभावकले ।’

जिल्ला प्रहरी कार्यालयका अनुसार केटा पक्षले भने किशोरीका अभिभावकले प्रहरी कार्यालयमा आएर किशोरीलाई आफ्नो जिम्मा लगाइदिए स्विकार्ने बताइरहेका छन् ।

यस्तै केटाका अभिभावकले किशोरीको विहे गर्ने उमेर नभएसम्म आफ्नो छोरा भन्दा बाहिर कतै राखेर पढाउने र त्यो खर्च आफैले व्यहोर्ने बताइरहेको पनि प्रहरीको भनाइ छ ।

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: