समाचार प्रभावः घर निकाला भएकी १३ वर्षीया आमालाई सहारा


प्रकाशित मिति :2018-05-14 17:34:06

–महिला खबर–

इनरुवा । जिल्ला अस्पताल इनरुवामा पाँच दिनदेखि उपचाररत१३ वर्षीया आमालाई थप उपचारका लागि काठमाडौं ल्याइदै छ ।

छोरी पाएको निहुँमा ज्यान मार्ने धम्की दिँदै सिराहाको गोलबजारमा रहेको घरबाट लखेटिएकी इनरुवाकी ममता मरिकलाई थप उपचारका लागि आज काठमाडौं ल्याइन लागेको जिल्ला अस्पताल इनरुवा सुनसरीले जनाएको छ ।

१२ वर्षको उमेरमा बालविवाह गराइएकी ममता सिराहा गोलबजारका प्रकाश मरिककी श्रीमती हुन् । प्रकाशका जेठी श्रीमती र दुई छोराछोरी हुँदाहुँदै अभिभावकले ममताको बालविवाह गरिदिएको बताइएको छ ।

श्रीमानबाट घरेलु हिंसाको शिकार भई नवजात शिशुसहित घरबाट निकालिएकी ममतालाई नातापर्ने व्यक्तिले उपचारका लागि अस्पतालमा छोडेर गएका थिए । उनी अस्पतालमा भर्ना भए पछि हेरचाह गरिदिने आफन्त समेह कोही नहुँदा पाँच दिनदेखि अस्पतालले नै निशुल्क उपचार र हेरचाह गर्दै आएको थियो ।

बैशाख ३० गते आइतबार ‘छोरी जन्माएको भन्दै १३ वर्षकी किशोरी घर निकाला’ शिर्षकमा महिला खबरमा समाचार प्रकाशित भए पछि ममतालाई अधिकारकर्मीको सक्रियतामा थप उपचारका लागि ओसीएमसी इनरुवाले काठमाडौं ल्याउन लागेको बताइएको छ ।

ममतालाई ललितपुरमा रहेको पोषण तथा स्याहार केन्द्रमा राख्ने गरी ल्याइन लागेको जनाइएको छ ।

सो संस्थाले कुपोषित बच्चा र आमाको निशुल्क उपचारसहित खानपानको व्यवस्था गर्ने बताइएको छ ।

यो पनि हेर्नुस्

छोरी जन्माएको भन्दै १३ वर्षकी किशोरी घर निकाला

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: