बाटोमै प्रसूति सेवा


प्रकाशित मिति :2018-05-17 11:26:38

–प्रकाश सिंह–

बाजुरा । बुढीनन्दा नगरपालिका –६ की २१ वर्षीया मनिषा मियाँलाई सोमबार गहुँ काट्न गएका बेला खेतमै सुत्केरी बेथाले च्याप्यो ।

मियाँलाई सुत्केरी बेथाले च्यापे पछि आफन्तले तत्कालै स्टेचरमा राखेर डेढ घण्टाको दुरीमा रहेको प्राथमिक स्वास्थ्य केन्द्र कोल्टीतिर लिए ।

स्वास्थ्य चौकीसम्म पु¥याउन नपाउँदै उनलाई चरम पीडा भयो । तत्काल स्वास्थ्यकर्मीलाई खबर भो । प्राथमिक स्वास्थ्य केन्द्र अन्र्तगत फेज नेपालमा कार्यरत स्टाफ नर्स मुना देवकोटाले बाटोमै मनिषालाई सुत्केरी सेवा दिइन् । मनिषाले राम्रैसँग सन्तान जन्माइन् ।

गाउँमा स्वास्थ्य सेवाको पहुँच पुर्याउने उद्देश्यले कोल्टी प्राथमिक स्वास्थ्य केन्द्र र फेज नेपालले बिरामी भएको ठाउँमा सेवा दिन थालेका छन् ।

फेज नेपालमा कार्यरत स्वास्थ्यकर्मी बुढिन्नदा नगरपालिका ३ मा गएर गाउँमै बिरामीको उपचार गर्दै ।

बुढिनन्दा नगरपालिका ३ का ७२ वर्षीय गगने रोकाया दमको बिरामी हुन् । उनले नियमित रुपमा औषधि खानु पर्छ । औषधि लिनका लागि ४ घण्टा टाढा रहेको कोल्टी प्राथमिक स्वास्थ्य केन्द्र वा एक दिनको दुरीमा रहेको जिल्ला स्वास्थ्य कार्यालय बाजुरा पुग्नु पर्ने बाध्यता छ । तर फेज नेपालले गाउँमै आएर सेवा दिन थाले पछि औषधिका लागि टाढा जानुपर्ने बाध्यता टरेको उनले बताए ।

कोल्टी जस्तै स्थानीय स्वास्थ्य संस्था र फेज नेपालले दुर्गम तथा पछाडी परेका, स्वास्थ्यको पहुँच भन्दा बाहिर रहेका ठाउँमा गएर बिरामीको उपचार र निशुल्क औषधि बितरण गर्दै आएको छ ।

सरकारले उपलब्ध नगराउने औषधि, आवश्यकता अनुसारका औषधि र स्वास्थ्यकर्मी परिचालन गर्ने गरेको फेज नेपालमा कार्यरत मुना देवकोटाले बताइन् ।

स्वास्थ्य संस्थाले १ सय ३५ भन्दा बढि प्रकारका औषधि निशुल्क दिने गरेको छ । ‘हप्तामा तीन दिन गाउँमै गएर औषधिपोचार गर्ने गरेका छौं’ मुनाले भनिन् ।

संस्थाले बाजुराका दुर्गम हिमाली गाउँपालिका, स्वार्मीकार्तिक गाउँपालिका र बुढिनन्दा नगरपालिकामा हप्ताको तीन दिन निशुल्क रुपमा औषधिपोचारको सेवा दिन थाले पछि गर्भवती महिला, बिरामी, वृद्धवृद्धा लगायत अशक्तहरुलाई टेवा पुगेको कोल्टी प्राथमिक स्वास्थ्य केन्द्रका प्रमुख डा. बिजय शाहले बताए ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: