एसिड छ्याप्ने प्रहरी जेल चलान


प्रकाशित मिति :2018-05-18 14:00:47

–महिला खबर–

ललितपुर । चितवनको भरतपुरमा महिलामाथि एसिड छ्यापेको आरोपमा पक्राउ परेका ट्राफिक प्रहरीलाई बिहीबार कारागार चलान गरिएको छ ।

जिल्ला अदालतका न्यायाधीश सुर्यबहादुर थापाको एकल इजालसले पक्राउ गरेका इलाका प्रहरी कार्यालय टाँडीमा कार्यरत सई रामचन्द्र खनियाँलाई थुनामा राख्न आदेश दिएको हो ।

सई खनियाँले गोरखा घर भई भरतपुर महानगरपालिका ४, त्रिचोकमा डेरा गरि बस्ने कल्पना श्रेष्ठलाई गएको वैशाख ९ गते बेलुका एसिड छ्यापेका थिए । खनियाँलाई प्रहरीले सोही दिन नै नियन्त्रणमा लिएको थियो ।

खनियाका विरुद्ध कल्पनाका श्रीमान किसान श्रेष्ठले ज्यान मार्ने उद्योग (प्रयास) अन्तर्गत मुद्दा चलाउन माग गर्दै सोही दिनको भोली पल्ट वैशाख १० गते प्रहरीमा उजुरी दिएका थिए ।

उजुरीका आधारमा प्रहरीले जिल्ला अदालतबाट म्याद लिई अनुसन्धान थालेको थियो । २५ दिनसम्म हिरासतमा राखेपछि अनुसन्धान पुरा भएपछि सरकारी वकिलको कार्यालय मार्फत चितवन जिल्ला अदालतमा मुद्दा दर्ता गरिएको जिल्ला प्रहरी कार्यालय चितवनले बताएको छ ।

बिहीबार मुद्दाको फैसला नहुँदासम्म खनियालाई थुनामा राख्न कारागार पठाउने वा तारेखमा छाड्ने भन्ने विषयमा अदालतमा बहस भएको थियो ।

याे पनि हेर्नुस् :

प्रहरीले नै छ्यापे महिलालाई एसिड

एसिड छ्याप्ने प्रहरीलाई मुद्दा दर्ता

 

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: