महिला हिंसा रोक्न पुरुष आवाज


प्रकाशित मिति :2018-05-18 16:48:50

–महिला खबर–
लतिलपुर । गाउँमा दाइजो उन्मुलनमा डेढ वर्षदेखि लागेका परोहा नगरपालिका ४ लौकाहाका पुरुषहरु अहिले सफल भएका छन् ।
२०७३ साल कार्तिक २० गतेबाट शुरु गरिएको प्रयासबाट अहिलेसम्म उनीहरुले झन्डै एक करोड रुपैयाँ बराबरको दाईजो फिर्ता गरिसकेका छन् ।

तिलक, दहेज बन्द अभियान समितिको सदस्य मोहम्मद मकसुद राँकी भन्छन्, ‘पुरुषहरु नै मिलेर गरिएको अभियान अहिले सफल भएको छ ।’

दाईजोकै कारण गाउँमा हिंसाका घटना बढ्न थालेपछि २२ जना पुरुषको समुहले दाइजो उन्मूलन अभियान समिति नै उनीहरुले खडा गरेका थिए । ‘मुस्लिम समुदायमा समेत दाईजो व्याप्त छ । दाईजोकै कारणले महिलाले आत्महत्या गरेका छन् ।’ अभियानका सदस्य राँकी थप्छन्, ‘यही गलत परम्परालाई तोड्न मुस्लिम पुरुषहरुले नै अभियान चलायाै‌ । अभियान सँगसँगै गाउँमा दाइजोकै कारण महिलामाथि हुने गरेका हिंसाका घटना समेत कम भएको छ ।’

बलात्कार विरुद्धको राष्ट्रिय अभियानका इभेन्ट म्यानेजर समुन्द्र केसी सार्वजनिक स्थल लगायत यातायातका साधनमा यात्रा गर्दा महिलाहरु दुव्र्यवहारमा पर्ने गरेको बताउँछन् ।

आफ्नो अनुभव सुनाउँदै उनी भन्छन्, ‘एकपल्ट काठमाडौं रत्नपार्कबाट लगनखेल जाने क्रममा माइक्रोमा युवतीलाई एक पुरुषले दुव्र्यवहार गरे । त्यो पुरुषले पछाडिबाट महिलालाई धकेली रहेका थिए । मैले देखें । त्यो पुरुषलाई हप्काए । अनि एक जना बुढि आमा पनि कराइन् । सबै जना एक भयौं र त्यो व्यक्तिलाई लगनखेल प्रहरीमा बुझायौं ।’ महिलामाथि हुने हिंसाका विरुद्ध सबै एक भएर आवाज उठाउनुपर्ने उनी बताउँछन् ।

बलात्कार विरुद्धको राष्ट्रिय अभियान शुरुआतकर्ता संजोग क्षेत्री भन्छन् ‘यदि छिमेकमा महिलामाथि हिंसा भइरहेको छ भने मेरो घरको समस्या होइन भनेर चुप बस्नु हुँदैन । उसलाई संरक्षण दिएर सो घरका पुरुष सदस्यलाई सम्झाउनुपर्छ ।’

माथिका उदाहरणबाट प्रष्ट हुन्छ कि महिला हिंसा रोक्न पुरुष आवाज प्रभावकारी हुन्छ । करिब तीन दर्जन चलचित्रमा अभिनय गरिसकेका कलाकार दयाहाङ राई पनि यो कुरा स्वीकार गर्छन् । उनी भन्छन्,‘लैगिक हिंसा बढी घुलमिल हुने व्यक्तिबाटै हुन्छन्, त्यसले उनीहरुबाटै सजग हुनुपर्छ ।’

कडा कानून ल्याउँदैछौ : मुख्य मन्त्री राउत

प्रदेश दुईका मुख्यमन्त्री लालबाबु राउत महिलामाथि हुने हिंसा रोक्न कडा कानून बनाउने तयारीमा रहेको बताउँछन् । उनी भन्छन्, ‘महिलामाथि हुने हिंसा न्यूनिकरण गर्न प्रदेशले कडा कानून ल्याउँदै छौ ।’

कार्यक्रम समकोणको छलफलका क्रममा मुख्यमन्त्री राउतले कानून बनाएर मात्र नहुने भन्दै यसको प्रभावकारी कार्यान्वयन हुनुपर्ने बताए ।
सहभागीहरुले उठाएका प्रश्नको जवाफ दिँदै मुख्यमन्त्री राउतले आफ्नो प्रदेशबाट महिला हिंसाका अभियुक्तहरुले पहुँचको आधारमा उन्मुक्ति पाउने अवस्थाको अन्त्य गर्ने प्रतिबद्धता जनाए ।

महिला हिंसा अन्त्यका लागि शिक्षा महत्वपूर्ण पक्ष रहेको उल्लेख गर्दै आफ्नो ५ वर्षे कार्यकालमा प्रदेश दुईका सबै बालबालिकालाई विद्यालयको पहुँचमा पु¥याउने प्रतिबद्धता जनाए । उनले पुरुष प्रधान समाज रहेको भन्दै यसलाई चिर्न समय लाग्ने बताए ।

कार्यक्रमको छाँयाकनको समयमा सहभागिले महिलामाथि हुने हिंसा रोकथाममा सबै पुरुषहरु जिम्मेवार हुनुपर्नेमा जोड दिएका थिए ।
यहि विषयमा रहेर छलफल गरिएको कार्यक्रम समकोण आज शुक्रबार बेलुकी ९ देखि १० बजेसम्म कान्तिपुर टेलिभिजन र समकोण यूट्युब च्यानलबाट प्रसारण हुँदैछ । हेर्न नछुटाउनुहोला ।

    Comment Here!

Related NEWS
मुख्य खबर

पत्रकार मृत फेला

-महिला खबर- पत्रकार निर्मला पहराई शुक्रबार मृत फेला परेकी छिन् ।

बैठकमा महिला सहभागिता नभएकोमा चिन्ता

-महिला खबर- गैर आवासीय नेपाली संघले अमेरिका क्षेत्रको क्षेत्रीय बैठकमा महिलाको सहभागिता हुन नसकेको विषयप्रति ध्यानाकर्षण

खाद्यान्न सहयोग

अछामको मंगलसेन नगरपालिकाका दुई वडामा ६० जना विपन्न एकल महिलालाई अछाम जेसिजले खाद्यान्न सहयोग गरेको

सुरक्षित मातृत्व तथा प्रजनन् स्वास्थ्य अधिकार नियमावली स्वीकृत

काठमाडौँ । सुरक्षित मातृत्व तथा प्रजनन् स्वास्थ्य अधिकार ऐन, २०७५ लागु भएको तीन वर्षपछि नियमावली

उद्यमी महिलालाई अनलाइन बजारीकरण र ऋणमा समस्या

-महिला खबर- कोभिड-१९ को असरका कारण ऋण चुक्ता गर्न नसकेको र कर्मचारीलाई तलव दिन समस्या भएको

Read more
ताजा अपडेट
© 2015.All rights reserved by mahilakhabar.com
%d bloggers like this: