समावेशी आवाजसहित सगरमाथा आरोहण गर्ने दिकी पहिलो नेपाली


प्रकाशित मिति :2018-05-20 17:43:43

–महिला खबर–

ललितपुर । ‘लैंगिक समानताको लागि सकारात्मक सोच, सर्वोच्च शिखरबाट समावेशी समाजको उद्घोष’ भन्ने नाराको साथ दिकी शेर्पाले सगरमाथाको सफल आरोहण गरेकी छन् ।

महिलालाई दोस्रो दर्जाको नागरिकको रुपमा हेर्ने संस्कारलाई बदल्दै नारी पनि पुरुष सरह क्षमता देखाउन सक्छन् भनेर प्रमाणित गर्न दिकी बिहीबार बिहान ८ः३० बजे सगरमाथाको चुचुरोमा पुगेकी हुन् ।

उनलाई आरोहण सफल पार्न दोर्जे शेर्पा, दावा शेर्पा र आङ कामीले सघाएका थिए । समावेशी आवाजसहित सगरमाथा आरोहण गर्ने दिकी पहिलो नेपाली महिला बनेकी छन् ।

उनले पुरुष प्रधान सोचलाई परिवर्तन गर्दै महिला सशक्तिकरण अभियानका साथ सगरमाथा आरोहण गर्न सफल भएको बताइन् ।

उनले भनिन्, ‘मेरो आरोहणले पर्यटन मार्फत मुलुकको आर्थिक समृद्धीका रेखाहरु कोर्नका साथै लैंगिक समानतासहितको समावेशी राज्य व्यवस्था निर्माणमा भूमिका खेल्नेछ ।’

पर्यटन र साहसिक पर्यटनको क्षेत्रमा महिलाहरुको सहभागिता बढाउँदै आर्थिक, सामाजिक, राजनीतिक क्षेत्रमा आम महिलाहरुलाई अघि बढाउन प्रेरित गर्ने हेतुले आरोहण गरेकाले आगामी दिनमा त्यसैमा केन्द्रित हुने उनले बताइन् ।

ओखलढुंगा घर भएकी शेर्पा २०४९ सालमा संखुवासभामा जन्मिएकी थिइन् । शेर्पा २०७० सालदेखि पर्यटन पथ प्रदर्शकको रुपमा पर्यटन क्षेत्रमा क्रियाशील छन् ।

पर्वतीय प्रशिक्षण प्रतिष्ठान तथा नाथुम कलेजबाट गाइड तालिम लिएकी दिकीले पर्वतारोहण सम्बन्धी आधारभूत तथा एड्भान्स तालिम पनि लिएकी छिन् । शेर्पाले पहिलो पटक सन् २०१७ मा ६ हजार ४ सय मिटर भन्दाअग्लो मेरा पिक र ५ हजार ९ सय २५ मिटर अग्लो राम्दुङ पिकको समेत सफलता आरोहण गरिसकेकी छन् ।

त्यसैगरि २०१७ मा संसारको आठौं अग्लो हिमाल मनास्लु (८१६३ मि.) समेत सफल आरोहण गरिसकेकी छन् ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: