फलाेअप: ममताको उपचार गंगालालले गरिदिने


प्रकाशित मिति :2018-05-21 13:29:23

–महिला खबर–

ललितपुर । छोरी जन्माएको निहुँमा घरबाट निकालिएकी ममता मरिकको उपचार खर्च काठमाडौंस्थित सहिद गंगालाल राष्ट्रिय हृदय रोग केन्द्रले व्यहोर्ने भएको छ ।

छोरी जन्माएको निहुमा सुत्केरी भएको महिना दिन नपुग्दै घर निकाला भएकी १३ वर्षीया ममता मरिकको सम्पूर्ण उपचार खर्च अस्पतालले बेहोर्ने जनाएको छ ।

सुनसरीको गढी गाउँपालिका ७ सत्तरझोडा माइती भएकी ममताको सिराहाको गोलबजारस्थित मुसानियाका ३५ वर्षीय प्रकाश मरिकसँग गत वर्ष १२ वर्षको उमेरमै विहे भएको ममताकी आमा भुटी मरिकले बताइन् ।

ममताले काम गर्न गएका बेला खेतमै छोरी जन्माएको र उनी सुत्केरी भएको महिना चैत्र भए पनि दिन कुन हो भन्ने अहिलेसम्म पत्ता लगाउन नसकिएको बताइएको छ ।

छोरी जन्माएको भन्दै श्रीमान र घर परिवारले खान लाउन नदिई कुटपिट गर्दै बैशाख १ गते घरबाट निकाले पछि ममतालाई नाता पर्ने मान्छेले उपचारका लागि सुनसरीको इनरुवा अस्पतालमा भर्ना गरिदिएका थिए । अस्पतालमा ममता र उनकी छोरीको रेखदेख गर्ने मान्छे समेत कोही नहुँदा अस्पतालले उनको नि:शुल्क उपचार र रेखदेख गर्दै आएको थियो ।

ममताको मुटुमा समस्या भएको र इनरुवा अस्पतालमा थप उपचार सम्भव नभएको विषयमा समाचारहरु सार्वजनिक भए पछि सुनसरीका समाजसेवी राकेश निरौलाले उनलाई बिहीबार काठमाडौं ल्याई सहिद गंगालाल राष्ट्रिय हृदय रोग केन्द्रमा भर्ना गरेको बताए ।

गढी गाउँपालिकाले ममता, उनकी छोरी र ममताकी आमाको प्लेन खर्च दिए पछि उनी काठमाडौंसम्म आइपुगेकी हुन् ।

ममताको स्वास्थ्य स्थितिको बारेमा बुझ्न गएका पत्रकारहरुसँग कुरा गर्दै अस्पतालका निर्देशक डा.जोतेन्द्र शर्माले मरिकको उपचारमा लाग्ने सम्पूर्ण खर्च अस्पतालले बेहोर्ने बताए । उनले भने, ‘ममताको स्वास्थ्यमा सुधार आएको छ । बच्चाको अवस्था पनि ठीक छ । उनको सम्पूर्ण उपचार खर्च अस्पतालले बेहोर्नेछ ।’

ममताकी आमा भुटी मरिकका अनुसार ममताकी फुपु र फुपाजुले गत वर्ष प्रकाश मरिकसँग ८० हजार पैसा लिएर ममताको विहे गराइदिएका थिए ।

प्रकाशको घरमा पहिले नै एक श्रीमती र आठ र पाँच वर्षकी दुई छोरी रहेको पनि बताइएको छ । प्रकाशले छोरा जन्माउनकै लागि ममताकी फुपु र फुपाजुलाई ८० हजार दिएर ममतासँग विहे गरेको पनि थाहा भएको छ ।

यो पनि हेर्नुहोस्,

छोरी जन्माएको भन्दै १३ वर्षकी किशोरी घर निकाला

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: