सहारा खोज्दै टुहुरी किशोरी


प्रकाशित मिति :2018-05-25 12:46:50

–प्रकाश सिंह–

बाजुरा । बाजुराको हिमाली गाउँपालिका ६ कि लक्ष्मी शाही सहाराको खोजीमा छिन् । सहारा दिने अभिभावक र सहयोग गर्ने आफन्त नहुँदा उनी बिचल्लीमा परेकी हुन् ।

‘बस्ने घर पनि छैन । काम गरि खाने जमिन पनि छैन’ १५ वर्षीया किशोरी लक्ष्मी शाहीले भनिन्, ‘मेरो कोही छैन रे । कहाँ जाने केही थाहा छैन ।’

आफू चार वर्षकी हुँदा आमाबुबा दुवैजनाको मृत्यु भए पछि बेसहारा बनेकी लक्ष्मीले बुबाआमाको मृत्यु पछि भएको जग्गा जमिन समेत अंशियारले लगेको बताइन् ।

‘अंशियारले जग्गा जमिन सबै लगे । तर मलाई सहारा दिने बारेमा भने कसैले चासो दिएनन्, ‘लक्ष्मीले भनिन् । आफन्तले घरमा समेत बस्न नदिएपछि गाउँले नाता पर्ने एक जना दिदीले आफ्नो घरमा लगेर राखेको उनले बताइन् ।

चार वर्षकै उमेरदेखि नाता पर्ने दिदीको घरमा बस्दै आएकी लक्ष्मीलाई दिदीले काम गर्न नसकेको दिन खानै नदिने र बिहानै उज्यालो नहुँदैदेखि घरभित्र र घरबाहिरको काममा खटिदै आएको बताइन् ।

रात दिन काममा पेलिदा समेत दिदीको टोकसो कम नहुने भए पछि अहिले लक्ष्मीले घर छोडेको बताइन् ।

‘सानोमा केही थाहा भएन । जति गाली गर्दा, काममा पेलाउँदा पनि सकिनसकी काम गरेँ । अहिले बुझ्ने हुन थाले पछि दिदीको घरमा बस्न मन लागेन । अनि घर छोडे’ उनले भनिन् ।

दिनभर काम गर्दा पनि पेटभर खान नपाए पछि दिदीको घर छोडेकी उनी स्थानीय अधिकारकर्मी रेखा रेग्मीसँग बसिरहेकी छन् ।

सहाराविहीन लक्ष्मीलाई उनको सहारा नभेटेसम्म आफूले संरक्षण दिएको रेखाले बताइन् ।

दिदीको घरमा रहँदा स्थानीय नन्देश्वरी माविमा भर्ना भएकी उनले विद्यालय भने कहिल्यै जान नपाएको बताइन् ।

विद्यालयमा नाम मात्रै लेखाएको र परीक्षाको दिनमा मात्रै विद्यालय जान पाएकाले उत्तरपुस्तिकामा नाम लेख्न बाहेक अरु लेख्न नआएको उनले स्मरण गरिन् ।

‘अहिले धेरैले अब के पढ्नु पर्यो र । कोही पालिदिने मान्छे पाए विहे गरेर जाउ भन्छन्’ लक्ष्मीले भनिन्, ‘सबैले हेपेर बोल्छन् ।
पढ्ने रहर त थियो । विद्यालय जाने मन थियो । के गर्नु थाहा छैन ।’

    Comment Here!

Related NEWS
मुख्य खबर

यौनिजिवीहरुको कुरुप सभा

-हिरा दाहाल- संसद भवनको देब्रेतिरको बाटोका गल्लीमा टहल्दै गर्दा लत्पतिएका रगतका अक्षरमा “यौनिजिवीहरुको कुरुप सभा” लेखिएको बोर्डमा

“सृष्टीको सर्बत्र संरचना नै आमा हुन्”

-दिपा मेवाहाङ राई- हजारौं प्रश्नमा कसैले सोध्यो भने ब्रह्माण्ड र आमा को पहिलो हुन्? निर्धक्क भएर भन्न सक्छु म आमा

पत्रकार पहराइको मृत्युको कारण आत्महत्या हैनः प्रतिवेदन

-महिला खबर- कैलाली घोंडाघोडी– ४ की २३ वर्षीया पत्रकार निर्मला पहराइको मृत्युको कारण आत्महत्या नभई हत्या

यो देशमा जनजातिको खास लडाइँ त अझै बाँकीेः भद्रकुमारी घले

-विमला तुम्खेवा- ८९ वर्षको उमेरमा पनि सुश्री भद्रकुमारी घलेको अनुहारमा उस्तै उर्जा छ । शान्त र

छोरी

-अन्शु खनाल- प्यारी छोरी जन्मनु आफैमा जित्नु हो यसमानेमा जिन्दगीको सुरुवात जित बाटै गरेकी हौ तिमीले पनि ।

Read more
© 2015.All rights reserved by mahilakhabar.com
%d bloggers like this: