फिस्टुलाको उपचार सहज हुन्छः राज्यमन्त्री अर्याल


प्रकाशित मिति :2018-05-25 17:16:57

–महिला खबर–

ललितपुर । महिलाहरुमा हुने प्रसव फिस्टुला बारे धेरैलाई थाहा छैन । तर जसलाई यो समस्या भएको छ, उसले पनि लुकाएर बस्नुपर्ने बाध्यता छ ।

कठिन प्रसव अवस्थाका कारण महिलाहरुमा पिसाब वा दिसा बगिरहने समस्या ‘प्रसव फिस्टुला’ हो । कसैलाई पिसाब र दिसा दुवै बगिरहने खालको समस्या पनि हुने गरेको चिकित्सकहरु बताउँछन् ।
विपी कोइराला स्वास्थ्य विज्ञान प्रतिष्ठान धरानका स्त्री तथा प्रसुति सेवा विभागका प्रमुख डा. मोहनचन्द्र रेग्मी सन्तान जन्माउने बेलामा समयमै स्वास्थ्य संस्थामा नपु¥याईंदा नै महिलाहरु यसको जोखिममा परिरहेको बताउँछन् ।

पछिल्लो समय पाठेघरको शल्यक्रिया गर्दा वा शल्यक्रिया गरी बच्चा निकाल्दा पनि पिसाब चुहिने समस्या देखिन थालेको डा. रेग्मीको भनाइ छ ।

यूएनएफपीएले सन् २०११ मा गरेको अध्ययन अनुसार नेपालमा वार्षिक दुई सयदेखि चारसय नयाँ बिरामी देखिन्छन् । तर खुलेर नआउने फिस्टुलाको समस्यामा पर्नेहरु भने धेरै हुने गरेको अनुमान फिस्टुला फ्री नेपालको छ ।

फिस्टुलाको उपचार गर्ने अस्पतालको पनि अभाव छ । नेपालमा अहिलेसम्म ललितपुरको पाटन अस्पताल, काठमाडौंको मोडेल अस्पताल, धरानको विपी कोइराला स्वास्थ्य विज्ञान प्रतिष्ठान र क्षेत्रीय अस्पताल सुर्खेतमा उपचार हुँदै आएको छ ।

तर स्वास्थ्य राज्यमन्त्री पद्मा अर्यालले अब यो सेवा दिने अस्पतालहरुको संख्या बढाउने गरी आफूले पहल गर्ने प्रतिबद्धता जनाएकी छन् । आज बेलुका प्रसारण हुने ‘समकोण’ टेलिभिजन कार्यक्रममा बोल्दै मन्त्री अर्यालले सहज सेवा हुने गरी उपचार गर्ने अस्पताल र दक्ष जनशक्ति बढाउने गरी योजना बनाइरहेको बताइन् ।

महिलामा हुने प्रसव फिस्टुलाको बारेमा गरिएको समकोण आज बेलुका ९ बजे कान्तिपुर टेलिभिजनमा प्रसारण हुँदैछ ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: