छोरीहरूले संसार छोडेपछि !


प्रकाशित मिति :2018-05-28 17:38:11

खबरहरू आइरहन्छ छाउ गोठबाट,
छोरीहरूले संसार छोडेको
जबजब गौरीहरू छाउ गोठमा निसासिएको खबर पढ्छु,
म आफैं निसासिन्छुु
तुलसा र रोशनीहरूलाई सर्पले डसेको थाहा पाउँछु,
सुइरो रोपेझैं हुन्छ मुटुमा
मैले पटक पटक गौरीहरूनिसास्सीएको खबर विश्वलाई सुनाउनुपर्छ
मैले थुप्रै तुलसा र रोशनीहरूलाई सर्पले डसेको,
धेरै चोटी धेरै जनालाई सुनाइसकें ।

गीता चिमोरिया

अनि उनीहरूलाई त्यसरी डस्नबाट बचाउनुपर्छ भनेर सयौं चोटी
सयौं मान्छेलाई अनुरोध गरिसकें
त्यही सुदुरमा दर्जनौं छोरी फक्रिन नपाइ ओइलाए
पर सरेको आरोपमा
हरेक महिना तिनै छोरीबाट बग्ने रगतले नै यो संसार गतिशिल भएको छ
जीवनको चक्र चलेको छ
तर किन बुझ्दैन समाज छोरीको शरीरबाट बग्ने रगत अपवित्र होइन भनेर ?
मान्छेहरूयति क्रुर भए कि हत्या गर्छन् छोरीको
छाउ गोठ पठाएर ।

त्यो अपराधबाट बच्न हेर त कस्तो दुस्साहस, हवला दिन्छन् भगवानको
मैले न स्वस्थानीमा कहिल्यै पार्वती छाउगोठ गएको सुनें,
न त सीता र लक्ष्मीले निसास्सीनु परेको थाहा पाएँ
यदि साँच्चै,
हरेक महिना छोरीहरूको शरीरबाट बग्ने रगत
अपवित्र हुन्छ भने
रोकिदेऊ त्यो रगतको धारा ।

रोकिदेऊ यो संसारको गति,
अनि रोकिदेऊ त्यो अपवित्र रगतबाट मान्छे बन्ने प्रक्रिया
बुझाइदेऊ न मलाई कसैले अपवित्र रगतबाट बनेको मान्छे
कसरी पवित्र हुन्छ ?
जवाफ छैन भने,
भत्काइदेऊ ति छाउगोठहरू,
अनि भत्काइदेऊ तिम्रा मस्तिष्कका कुविचारहरू,
अब कोही पनि छोरीले संसार छोड्न नपरोस्,
पर सरेकै कारण ।

    Comment Here!

Related NEWS
मुख्य खबर

म पूरा , तिमी आधा

-मन्जु काँचुली- तिमी– मेरो आकाशको घडामा तैरिने एक टुक्रा अस्थिर बादल मेरो चन्द्रमाको प्रकाशले पानीमा छचल्किने एउटा

मनको सन्दुक

-लक्ष्मी उप्रेती- कति दयनीय उमेरको पर्खाल उफ ! आफ्नै पौरखको सारा सिर्जनामा हुदा पनि उमेरको यो संघारमा आईपुग्दा

कोभिड-१९ महामारीको कारण बिपन्न बर्गका बालबालिका अझ समस्यामा : मानव अधिकार आयोग

नेपालले बाल अधिकार सम्बन्धी महासन्धि अनुमोदन गर्नुका साथै सो महासन्धिमा भएका व्यवस्था तथा अन्तर्राष्ट्रिय मञ्चहरुमा

मखमली सम्झना

-सुष्मा रानाहँमा- घुमाउथिन् आमाले,आफैँ झैं पिसिएको पिठोको फन्के रोटी मन आफैं घुम्थ्यो उमंगको जस्केला वरिपरी धानका बाला झुलेर

च्याति दिँउ भ्रमको साम्राज्य

-प्रेमिला राई- उहिले सर्वहाराको गीत गाउनेहरू आज पनि उहीँ माटोमा उस्तरी नै उहीँ भाका, उहीँ लयमा उहीँ भुइमान्छेका गीतहरू गाइरहेछन त्यो

Read more
© 2015.All rights reserved by mahilakhabar.com
%d bloggers like this: