समाचार प्रभावः धनमतीले पाइन् सहयाेग


प्रकाशित मिति :2018-06-01 13:27:27

–प्रकाश सिंह–

बाजुरा । बाजुराकी धनमती बढुवालले उपचार पाउने भएकी छिन् । बडिमालिका नगरपालिका ५ कोर्धकी ४१ वर्षीया धनमती बढुवालको उपचारका लागि आर्थिक संकलन भएको छ । आर्थिक संकलन भएसँगै उनलाई उपचारको लागि अछामको बयलपाटा अस्पतालमा लगिएको छ ।

धनमतीको उपचारका लागि मिस बाजुराका प्रमुख नरेन्द्र थापा वडा नम्बर ५ की वडा अध्यक्ष कला बढुवाललाई पैसा हस्तान्तरण गर्दै ।

‘५० हजार नहुँदा धनमतीले नौं महिनाअघि भाँच्चिएको खुट्टाको उपचार पाइनन्’ शिर्षकमा महिला खबरमा समाचार छापिएपछि धनमतीको उपचारका लागि रकम संकलन भएको हो ।

२०७४ असोज महिनामा भिरबाट खसेको ढुङ्गाले खुट्टा भाँच्चिएपछि धनमती उपचार अभावमा कष्टपूर्ण जीवन बिताइरहेकी थिइन् । एक महिनाअघि गाउँलेको सहयोगमा जिल्ला अस्पताल पुगेकी धनमतीलाई जिल्लामा उपचार सम्भव नभएको भन्दै थप उपचारका लागि जिल्लाबाहिर रेफर गरेको थियो । तर पैंसाको अभावमा उपचार गर्न नसकेपछि उनी घरमै बस्न बाध्य थिइन् ।

जिल्ला स्वास्थ्य कार्यालय बाजुराका प्रमुख डा. रुपचन्द्र विश्कर्मा वडा अध्यक्ष कला बढुवाललाई पैसा हस्तान्तरण गर्दै

महिला तथा बालबालिका कार्यालय बाजुरामा कार्यरत बिन्दु बडाल लगायतले धनमतीको उपचार रकम संलकन गर्न सहयोग गरेका थिए ।

उनको उपचारका लागि जिल्ला स्वास्थ्य कार्यलय बाजुराका प्रमुख रुपचन्द्र विश्वकर्मा र उनकी श्रीमती मिना विश्वकर्माबाट १० हजार, जर्मनकी नागरिक : MRS Helga Kubesh बाट ९ हजार, काठमाडौंकी बसुधा गुरुङबाट ५ हजार सहयोग भएको बिन्दु बडालले बताइन् । ।

                            धनमतीलाई पैसा दिँदै पत्रकार महांसघ बाजुराका पुर्व अध्यक्ष दयाराम पण्डित ।

त्यस्तै जिल्ला वन कार्यालय बाजुराबाट ५ हजार, बुढिगंगा नगरपालिका ९ बस्ने मिस बाजुराका प्रमुख नरेन्द्र थापाबाट ५ हजार, बडिमालिका नगरपालिका ९ बस्ने बासुदेब उपाध्यायबाट ५ हजार, पत्रकार महासंघ बाजुराका पुर्व अध्यक्ष दयाराम पण्डितबाट २ हजार, जिल्ला प्रशासन कार्यालयका लेखापाल लालबहादुर बिष्टबाट १ हजार, नेपाल टेलिकम अत्तरीया कार्यलयमा कार्यरत बिक्रम टमटाबाट १ हजार १ सय सहयोग भएको छ ।

बडिमालिका नगरपालिकाबाट १५ हजार, महिला तथा बालबालिका कार्यालय बाजुराबाट १० हजार, पिसवीन बाजुराबाट ५ हजार, गिफ्ट बाजुराबाट २ हजार रुपयाँ सहयोग भएको बडालले बताईन् ।

धनमतीे ५० हजार नहुँदा नौं महिनादेखि भाँच्चिएको खुट्टाको उपचार गर्न नसकेको कुराले मन छोएपछि उपचार अभावमा कसैले पनि यस्तो पीडा भोग्नु नपरोस् भन्दै आफूले आर्थिक सहयोग गरेको नरेन्द्र थापाले बताए ।

धनमतीलाई अहिले अछामको बयलपाटा अस्पतालमा लगिएको छ । यदि त्यहाँ उपचार सम्भब नभए नेपालगञ्ज लिने तयारी भएको बडालले बताइन् । संकलन भएको रकम जिल्लास्थित सर्वदलिय बैठक गरेर धनमतीको बैंक खातामा जम्मा गरी उपचारमा खर्च गर्ने पनि उनले जानकारी दिइन् ।

 धनमति बढुवालको अवस्था बुझदै WHO मा कार्यरत डा. रुपेश तिमिल्सेना ।

यस्तै धनमतीको उपचारका लागि बडिमालिका नगरपालिकाका नगरप्रमुख पदम बढुवाल, WHO मा कार्यरत डा. रुपेश तिमिल्सेना लगायतले उनको घरमै पुगेर अवस्था बुझेको र उपचारमा सहयोग गर्ने जनाएका छन् ।

धनमतीका श्रीमान मानसिंह बढुवालको तीन वर्षअघि भिरबाट लडेर मृत्यु भएको थियो । अहिले उनी र उनकी दुई कक्षामा पढ्दै गरेकी छोरी चन्द्रा कुमारी बढुवाल मात्र छन् । आफ्नो खुट्टा भाँच्चिएपछि छोरीलाई पनि माइतीमा राखेको धनमतीले बताइन् ।

    Comment Here!

Related NEWS
मुख्य खबर

तिमी र म

-कमला राई- (मिरिक, दार्जिलिङ) म र तिमी तिमी र म म छु र नै तिमी छौ। तिमी छौ र नै

इलेक्ट्रा कम्प्लेक्स

-इल्या भट्टराई-  चिनले आज पनि फेरि इमेल पठाएकी रहिछे । हिजो पनि पठाएकी थिई ।

हामी नाभीहरू

-लिला सिंगक लिम्बु- बुवा आमाको मुटुको टुक्रा ८ नाभिहरु हामी हामी केही रहर सँग आयौ केही सपनासँग त केही परिस्थितिहरुसँग जसरी

तिमी अध्यारोमा लुकेर बस छोरी

-रञ्जुश्री पराजुली- छोरी तिमी माथि आफन्तहरूले नै गिद्धे नजर लगाएर टाउको घुमाउँछन्।

बलात्कारी पितृसत्ता

-सुशीला निनाम- युगौ देखि मेरो चेत माथी बलात्कार गरिरह्यो बौद्धिकता माथी बलात्कार गरिरह्यो स्वतन्त्रता माथी बलात्कार गरिरह्यो पितृसत्ताले ।

Read more
© 2015.All rights reserved by mahilakhabar.com
%d bloggers like this: