दलित हुनुको पीडा संसदमा यसरी पोखिन् कलुदेवीले


प्रकाशित मिति :2018-06-04 15:20:44

– कलुदेवी विश्वकर्मा, सांसद

सबभन्दा दुःख लाग्दो कुरा के छ भने काठमाडौंमा छुवाछुतको भेदभाव छ । मैले कोठा खोजेको १ महिना भयो । दलित भएर कोठा पाएनौं ।
सबै भन्छन् कि छुवाछुत अन्त हुने भो । छुवाछुत हुँदैन भनेर हामीले संसद भित्र सुनिरहेका छौं । तर, छुवाछुत त काठमाडौंमै छ । गाउँघरमा त कस्तो होला ?

काठमाडौंमा त यस्तो छुवाछुत छ भने गाउँमा हामीले सुतेको ठाउँमा लिपेर पोतेर जानुस् भन्छन् । खाएको थाल घोप्ट्याएर जा भन्छन् । छुवाछुतको अन्त्य नभएसम्म हामी दलित एक नारा लगाएर जान्छौं ।

दलितका दलित हामीलाई नराखिदिनुस् । यो दलित भन्ने शब्द हट्नुपर्छ । यो शब्द हटाउनुपर्छ । हामी दलित होइनौं । हामी शिल्पी हौं । हामीले बनाएका भाँडा बर्तन तिनका कोठाभित्र जाने अनि हामी अछुत कसरी भयौं ?

हामीले बनाएका कपडा भित्र जाने, हामीले बनाएका गरगहना भित्र जाने, हामीले बनाएका बाँसका छाप्रा भित्र जाने हामी अछुत कसरी भयौं ? यो जसरी हुन्छ हट्नुपर्छ । संसद भित्रबाटै हटाउनुपर्छ । छुवाछुत गर्नेलाई कडा कानून बनाएर हटाउनुपर्छ ।

याे पनि हेर्नुहाेस् : दलित भएकै कारण सांसदले डेरा पाइनन् 

भेदभाव अति दुःखलाग्दो कुरा छ । गाउँघरमा जानुस् बाहिरको कुकुर भित्र राख्छन् । बिरालो भित्र राख्छन् । हामी कसरी अछुत भयौं ? तपाई काट्यो खुनै, हामी काटे खुनै ।

हामी पनि मान्छे हो । मानिस हो । यो छुवाछुतको भेदभावना अन्त्य हुनुपर्छ । होइन भने दलित एक भएर नारा लगाउँछौं । चाहे मरौं, चाहे काटौं, चाहे जे सुकै होउँ ।

हामीले बनाएको भाडा बर्तन ठूला ठूला मन्दिरमा चढ्ने अनि हामी अछुत कसरी हुने ? सभामुख महोदय । जसरी हुन्छ यो अन्त्य हुनुपर्छ । मेरो भनाई यहि टुङ्ग्याउँछु । धन्यवाद ।

(संसदको सोमबारको बैठकमा विशेष समय लिएर सांसद कलुदेवी विश्वकर्माले राखेको भनाइ ।) 

 

 

 

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: