धार्मिक गुरु संगठित, बालविवाह नगर्ने प्रतिवद्धता


प्रकाशित मिति :2018-06-07 11:59:42

–कृञ्जला पुलामी–

सिन्धुली । बालविवाह न्यूनिकरणका लागि सिन्धुलीका धर्म गुरुहरूले आ–आफ्नो धर्मको माध्यमबाट जनचेतना फैल्याउने भएका छन् । समाजमा व्याप्त रहेको बालविवाह अन्त्यका लागि अब कुनै पनि बालविवाहमा आफूहरू सहभागी नहुने प्रतिवद्धता उनीहरूले गरेका छन् ।

बुधवार सम्पन्न स्थानीय धार्मिक गुरुहरूसँगको अन्तरक्रिया कार्यक्रममा उनीहरूले बालविवाहका कारण सबैभन्दा बढी महिलाहरूलाई हानी भएको र त्यसले समाज विकासमा अवरोध सृजना गरिरहेको भन्दै अबदेखि बालविवाहमा आफूूहरू सहभागी नहुने प्रतिवद्धता जनाए । उनीहरूले अबदेखि विवाह गराइदिन र साइत हेर्न आउनेहरूलाई समेत उमेर सोधेर मात्रै विवाहमा सहभागी हुने बताए ।

पुरोहित दुुर्गाहरी न्यौपानेले बालविवाहलाई कुनै पनि धर्मले मान्यता नदिएको बताए ।

दुधौली नगरपालिकाको वडा नं. २ हत्पतेमा भएको कार्यक्रममा विभिन्न धर्मका पुरोहित, विवाह गराइदिने काममा संलग्न लमीलगायत धामीहरूको समेत सहभागिता रहेको थियो ।

धर्म गुरु संगठित

यसैबिच जिल्लामा कुरीति अन्त्यका लागि भन्दै सिन्धुलीका धर्म गुरु संगठित भएका छन् । परम्परा, संस्कार वा चालचलनका नाममा हुने लैंगिक, सामाजिक, सांस्कृतिक विभेदहरूको अन्त्यका लागि उनीहरू संगठित भएका हुन् ।

हिन्दु धर्मगुरु नारायण बरालले धर्मको नाममा मानिसहरूले विभिन्न कुरीतिलाई प्रोत्साहन गरिरहेको भन्दै सामाजिक जागरणका कामको सुरुआत गरेको बताए ।

अन्धविश्वास र रुढिवादी परम्परालाई चिर्नका लागि आफूहरू संगठित भएको उनको भनाइ छ ।

‘धर्मका नाममा बालविवाह, तीजमा पानी नखाइ भोकभोकै व्रत बस्ने र श्रीमानको खुट्टाको पानी खानुपर्छ भन्ने कुनै पनि शास्त्रमा लेखिएको छैन’ उनले भने, ‘यस्ता कुराहरूलाई बढवा दिनुहुँदैन भनेर सम्झाई बुझाई गरिरहेका छौँ ।’

महिनावारी स्वभाविक शारीरिक प्रक्रिया भए पनि जनचेतनाको कमीले परम्परादेखि नै बार्दै आइएको भन्दै अहिलेको पुस्ताले यसलाई निरन्तरता दिन उचित नभएको उनले बताए । ‘बरु यो बेलामा महिलाले आफ्नो स्वास्थ्य र सरसफाइमा उचित हेरचाह र ध्यान दिनुपर्छ । अशुद्ध भएको भनि विभेद गर्न पाइदैन’ उनले भने ।

बौद्ध धर्म गुरु गणेश लामाका अनुसार महिनावारी प्रथा बौद्ध धर्मावलम्वीले बार्दैनन् । उनले भने, ‘महिनावारी भएका महिलाहरूले बार्नुपर्छ भन्ने हाम्रो धर्ममा लेखिएको छैन । बार्दा पनि बार्दैनन् । हामी अरुलाई पनि नर्बानुस् भन्छौ । महिनावारी नबार्दा हाम्रा छोरी चेलीलाई अहिलेसम्म केही भएको छैन ।’

क्रश्चियन धर्मगुरु टोमनाथ उपाध्यायले बालविवाह, महिनावारी बार्ने, महिला भएकै कारण चुलाचौकामा सिमित हुनुपर्ने, तीजमा निराहार व्रत बस्नुपर्नेलगायतका रुढिवादी कुसंस्कारलाई हटाउन आफूहरू लागि परेको बताए । उनले भने, क्रिश्चियन धर्ममा महिनावारी भएको बेला चर्जमा आउनु हुँदैन, छुन हुँदैन भन्ने पनि छैन । प्राकृतिक नियम भएकाले छोएर अशुद्ध, अपवित्र हुने कुरा यथार्थ नभएको उनले बताए ।

    Comment Here!

Related NEWS
मुख्य खबर

तिमी र म

-कमला राई- (मिरिक, दार्जिलिङ) म र तिमी तिमी र म म छु र नै तिमी छौ। तिमी छौ र नै

इलेक्ट्रा कम्प्लेक्स

-इल्या भट्टराई-  चिनले आज पनि फेरि इमेल पठाएकी रहिछे । हिजो पनि पठाएकी थिई ।

हामी नाभीहरू

-लिला सिंगक लिम्बु- बुवा आमाको मुटुको टुक्रा ८ नाभिहरु हामी हामी केही रहर सँग आयौ केही सपनासँग त केही परिस्थितिहरुसँग जसरी

तिमी अध्यारोमा लुकेर बस छोरी

-रञ्जुश्री पराजुली- छोरी तिमी माथि आफन्तहरूले नै गिद्धे नजर लगाएर टाउको घुमाउँछन्।

बलात्कारी पितृसत्ता

-सुशीला निनाम- युगौ देखि मेरो चेत माथी बलात्कार गरिरह्यो बौद्धिकता माथी बलात्कार गरिरह्यो स्वतन्त्रता माथी बलात्कार गरिरह्यो पितृसत्ताले ।

Read more
© 2015.All rights reserved by mahilakhabar.com
%d bloggers like this: