उसुमा युवतीको आकर्षण बढ्दो


प्रकाशित मिति :2018-06-12 12:30:40

–सर्मिला बुढाथोकी–

दोलखा । दोलखामा उसु खेलप्रति युवा युवतीको लोकप्रियता बढ्दै गएको छ । २०५२ सालबाट सुरु भएको उसु खेलमा युवा युवतीको आकर्षण बढ्दै गएको राष्ट्रिय खेलकुद परिषदका सहायक उसु प्रशिक्षक जगत जिरेल बताउछन् ।

दोलखाले उसुको राष्ट्रिय स्तरको प्रतियोगितामा सहभागिता जनाएदेखि ५० भन्दा बढी खेलाडीले स्वर्ण लगायत विभिन्न पुरस्कार प्राप्त गरिसकेको सहायक प्रशिक्षक जिरेल बताउछन् ।

पुरस्कृत अस्मीता र मिङमा

त्यसरी पुरस्कार प्राप्त गर्ने खेलाडीहरूमा युवतीहरूको संख्या उल्लेख्य हुने गरेको जिरेलको भनाइ छ । तर दोलखामा पुरस्कृत खेलाडीको उचित मूल्याङ्कन हुन नसकेकोमा भने जिरेलको गुनासो रहेको छ ।

पछिल्लो पटक नेपाल उसु संघले आयोजना गरेको अन्तर क्वान खुला उसु प्रतियोगीता २०७५ मा दोलखाका दुई उसु खेलाडी अस्मिता सुनुवार र मिङ्मा शेर्पाले तृतिय पुरस्कार प्राप्त गर्न सकेको सहायक प्रशिक्षक जगत जिरेलले जानकारी दिए । अस्मीता सुनुवार महिला सान्सो ५२ केजी समूहमा तृतिय भएकी थिईन भने मिङमा शेर्पा ५६ केजी समूहमा तृतिय भएकी थिईन् ।

जिल्लामा युवा युवतीहरू उसु खेलमा आकर्षित भए पनि प्रशिक्षणको लागि उचित वातावरण नभएको र उत्कृष्ट खेलाडीलाई जिल्ला तहबाट उत्साहित तथा सम्मानित गर्न नसकिएकोले केहि समस्या देखिएको जिरेलको भनाइ छ ।

राष्ट्रिय खेलकुद परिषदका सहायक उसु प्रशिक्षक जिरेलका अनुसार विहान बेलुका गरि अहिले दैनिक ४०\५० जनाले उसुको प्रशिक्षण लिई रहेका छन् ।

जिल्ला खेलकुद विकास समिति र अन्य सरोकारवाला निकायले सहयोग गर्ने वातावरण बन्ने हो भने उसु खेल अझ बढी आकर्षित हुने र राष्ट्रिय\अन्तराष्ट्रिय स्तरमा थप पुरस्कारहरू भित्रन सक्ने जिरेल बताउछन् ।

दैनिक प्रशिक्षण लिने उसु खेलाडीहरूमा पनि युवतीको संख्या उल्लेख्य रहेको र यसबाट युवतीहरूको आत्मविश्वास बढेको प्रशिक्षक जिरेलको भनाइ छ ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: