खेलकुद क्षेत्रमा महिला सहभागिता बढाइने


प्रकाशित मिति :2018-06-12 18:05:48

–महिला खबर–

ललितपुर । युवा तथा खेलकुद मन्त्री जगतबहादुर विश्वकर्माले खेल क्षेत्रमा महिला सहभागिता वृद्धि भएमा महिला हिंसा न्यूनिकरणमा सहयोग पुग्ने बताएका छन् ।

राष्ट्रिय खेलकुद परिषद्ले आयोजना गरेको ‘राष्ट्रपति खेलकुद महिला सहभागिता अभिवृद्धि’ विषयक अन्तरक्रिया कार्यक्रममा उनले महिला हिंसा न्यूनिकरण गर्न खेल क्षेत्रमा महिला सहभागिता बढाउनुपर्ने बताएका हुन् ।

उनले खेल क्षेत्रमा महिलाहरुको सहभागिताका लागि सरकारले प्राथमिकता दिने पनि बताए । मन्त्री विश्वकर्माले खेलकुदकै माध्यमबाट आपसमा तिक्त सम्बन्धमा रहेका संयुक्त राज्य अमेरिका र उत्तर कोरियासमेत आपसमा शिखर वार्तामा आउन तयार भएको सन्दर्भ उल्लेख गर्दै भने, ‘खेलको विकास बिना समाजको समग्र विकास हुँदैन ।’

राष्ट्रिय खेलकुद परिषद्का सदस्यसचिव केशवबहादुर विष्टले चालू आर्थिक वर्षमा शुरु भई आगामी वर्षमा पनि राष्ट्रपति खेलकुद महिला सहभागिता अभिवृद्धि कार्यक्रम सञ्चालन गरिने जानकारी दिए । सो कार्यक्रमका लागि चालू आर्थिक वर्षमा एक करोड ४० लाख रुपैयाँ बजेट बिनियोजित गरिएको छ ।

परिषद्का सदस्य सकुन्तला नकर्मीले काुननी र नीतिगतरुपमा खेल क्षेत्रमा महिलाको सहभागिताका वृद्धिका लागि कुनै समस्या नहरे पनि सामाजिक परिस्थिति र पुरातन संस्कारका कारण खेल क्षेत्रमा तुलनात्मकरुपमा महिलाको सहभागिता बढ्न नसकेको बताईन् ।
सञ्चारिका समूहका अध्यक्ष निर्मला शर्माले बलात्कार हुनु मात्र महिला हिंसा नभएकाले परिषद् भित्रै लैङ्गिक समताको सोच र व्यवहार हुनुपर्ने बताउँदै हाल खेल क्षेत्रमा रहेका महिलाहरुले भोग्नुपरेका विभेदको अन्त्य हुनुपर्नेमा जोड दिईन् ।

त्यस्तै कार्यक्रममा नेपाल टेलिभिजनका कार्यक्रम निर्देशक आरती चटौतले समाजमा महिलाले कडा र गाह्रो काम गर्नु हुन्न र उसलाई घरबाट बाहिर लानु हुँदैन भनिन्छ, त्यही समाजमा महिला हिंसा हुने भएकाले महिलालाई खेल क्षेत्रमा लगाउन सकिए सामाजिक परिवर्तनमा योगदान पुग्ने बताईन् ।

    Comment Here!

Related NEWS
मुख्य खबर

यौनिजिवीहरुको कुरुप सभा

-हिरा दाहाल- संसद भवनको देब्रेतिरको बाटोका गल्लीमा टहल्दै गर्दा लत्पतिएका रगतका अक्षरमा “यौनिजिवीहरुको कुरुप सभा” लेखिएको बोर्डमा

“सृष्टीको सर्बत्र संरचना नै आमा हुन्”

-दिपा मेवाहाङ राई- हजारौं प्रश्नमा कसैले सोध्यो भने ब्रह्माण्ड र आमा को पहिलो हुन्? निर्धक्क भएर भन्न सक्छु म आमा

पत्रकार पहराइको मृत्युको कारण आत्महत्या हैनः प्रतिवेदन

-महिला खबर- कैलाली घोंडाघोडी– ४ की २३ वर्षीया पत्रकार निर्मला पहराइको मृत्युको कारण आत्महत्या नभई हत्या

यो देशमा जनजातिको खास लडाइँ त अझै बाँकीेः भद्रकुमारी घले

-विमला तुम्खेवा- ८९ वर्षको उमेरमा पनि सुश्री भद्रकुमारी घलेको अनुहारमा उस्तै उर्जा छ । शान्त र

छोरी

-अन्शु खनाल- प्यारी छोरी जन्मनु आफैमा जित्नु हो यसमानेमा जिन्दगीको सुरुवात जित बाटै गरेकी हौ तिमीले पनि ।

Read more
© 2015.All rights reserved by mahilakhabar.com
%d bloggers like this: