८४ वर्षीय श्रीमानले गर्छन् श्रीमतीको श्रृंगार


प्रकाशित मिति :2018-06-15 12:44:21

ललितपुर । मोनाको आँखा कमजोर हुँदै गयो । उनी आफ्नो अनुहारको श्रृंगार गर्न सक्दिनथिन् । उनका ८४ वर्षीय “बफादार” श्रीमान् डेस उनको साजसज्जा गर्न तयार भए र तालिम कक्षामा भर्ना भए ।

यो प्रेम कथाले प्रख्यात श्रृंगार कलाकार मरियो डिडोभ्यानोभिकलाई धेरै प्रभाव पार्यो ।

‘हाम्रो बिहे भएको ५६ वर्ष भयो । हामी अझै वैवाहिक सम्बन्धमा छौं जस्तो लाग्छ । मोनाको आँखाको दृष्टि कमजोर हुँदै गएकोले उनी आफ्नो अनुहारको श्रृंगार आफै गर्न सक्दिनन्’, डेसले भने ।

‘मेरो श्रीमतीको बायाँ आँखा धेरै नै कमजोर भइसकेको छ । त्यो आँखाको केही भर छैन । उनले दायाँ आँखाले केही गर्न खोजिन् भने बायाँ आँखाले केही पनि देख्दैन’, उनले भने ।

डेस श्रीमतीको राम्ररी श्रृंगार गरेर उनलाई पहिले जस्तै सुन्दर र तयारी भएको अनुभूति दिलाउन चाहन्थे । त्यसैले उनी तालिम लिन तयार भए ।

श्रीमान्ले आफूलाई श्रृंगार गरेको बेलाको अनुभव मोनाले सुनाईन्, ‘मलाई यो आरामदायी लाग्छ । ननिदाइकन बस्नुपर्छ । उनी बोल्दै मेरो श्रृंगार गरिरहेका हुन्छन् । मैले केही बोल्न पर्दैन ।’

‘जन्मदिनको भोज हुने भयो । मोनाले सजिएर, आफ्नो अनुहारको श्रृंगार गरेर भोजमा जाने इच्छा व्यक्त गरिन्’, डेसले भने ।

यो जोडीको आयरल्याण्डकी श्रृंगार विशेषज्ञ रोजी ओड्रिसकोलसँग भेट भयो ।

‘उनले मलाई मोनाको नेत्रज्योति गुम्दै गएको कुरा बताए । उनका हातहरु धेरै काम्ने गरेको पनि बताए । उनले मेरो हातबाट श्रृंगार को क्रममा प्रयोग गरिने बुरूस लिए र श्रृंगार गर्न थाले । बुरूस समाएको तरिकाबाट थाहा हुन्थ्यो उनको यो कामतिर झुकाब थियो । उनको यो सीप स्वभाविक रूपमा प्रस्फुटन भएको देखिन्थ्यो’, रोजीले भनिन् ।

उनीहरूको प्रेम कथाले अमेरिकाको लोकप्रिय टेलिभिजन कलाकार किम कारड्याशनको श्रृंगार कलाकार मरियो डिडोभ्यानोभिकको मन धेरै छोयो । उनले त्यो जोडीलार्ई लण्डनस्थित आफ्नो तालिम कक्षामा निम्तो दिए ।

‘मलाई यो स्थान र मौका ठूलो रहेछ भनेर थाहा पाउन केही समय लाग्यो’, डेसले भने, ‘यो क्षेत्र र कलाकारिताको बारेमा पहिले हामीलाई केही पनि थाहा थिएन ।’

‘मोना अझै उस्तै छिन् । मेरो कपाल अलिकति रंगिएको छ । म पहिले उनलाई न्याट किङ्ग कोलको गीत गाएर प्रभाव पार्ने कोसिस गर्थें । मोना र म एउटा कुरामा सहमत छौं । हामीलाई लाग्छ थोरैमा नै धेरै छ । त्यसैले म मेरी राम्री मोनाको अनुहारमा श्रृंगार का धेरै सामाग्री थोपर्न चाहन्न’, डेसले भने ।

‘मेरो श्रीमान्लाई म जस्तो छु, त्यसैमा सुन्दर देखिन्छु भन्ने लाग्छ’, मोनाले भनिन् ।

सा्रेतः बीबीसी

    Comment Here!

Related NEWS
मुख्य खबर

म पूरा , तिमी आधा

-मन्जु काँचुली- तिमी– मेरो आकाशको घडामा तैरिने एक टुक्रा अस्थिर बादल मेरो चन्द्रमाको प्रकाशले पानीमा छचल्किने एउटा

मनको सन्दुक

-लक्ष्मी उप्रेती- कति दयनीय उमेरको पर्खाल उफ ! आफ्नै पौरखको सारा सिर्जनामा हुदा पनि उमेरको यो संघारमा आईपुग्दा

कोभिड-१९ महामारीको कारण बिपन्न बर्गका बालबालिका अझ समस्यामा : मानव अधिकार आयोग

नेपालले बाल अधिकार सम्बन्धी महासन्धि अनुमोदन गर्नुका साथै सो महासन्धिमा भएका व्यवस्था तथा अन्तर्राष्ट्रिय मञ्चहरुमा

मखमली सम्झना

-सुष्मा रानाहँमा- घुमाउथिन् आमाले,आफैँ झैं पिसिएको पिठोको फन्के रोटी मन आफैं घुम्थ्यो उमंगको जस्केला वरिपरी धानका बाला झुलेर

च्याति दिँउ भ्रमको साम्राज्य

-प्रेमिला राई- उहिले सर्वहाराको गीत गाउनेहरू आज पनि उहीँ माटोमा उस्तरी नै उहीँ भाका, उहीँ लयमा उहीँ भुइमान्छेका गीतहरू गाइरहेछन त्यो

Read more
© 2015.All rights reserved by mahilakhabar.com
%d bloggers like this: