लैंगिक हिंसा रोक्न स्थानीय सरकार र पत्रकारको भूमिका महत्वपूर्ण


प्रकाशित मिति :2018-06-15 17:29:23

–महिला खबर–

ललितपुर । महिलामाथि हुने हिंसा रोक्न स्थानीय सरकार र पत्रकारको भूमिका महत्वपूर्ण हुने एक कार्यक्रमका सहभागिहरुले जोड दिएका छन् । मानव अधिकार सञ्चार प्रतिष्ठान नेपाल (इह्रिकन) ले शुक्रबार ललितपुरमा आयोजना गरेको अन्तरक्रियाका वक्ताहरुले सो कुरामा जोड दिएका हुन् ।

कार्यक्रममा महिला अधिकारकर्मी तथा संघीय प्रतिनिधिसभाका सांसद अञ्जना बिशंखेले पछिल्लो समय घरेलु हिंसाका साथै बलात्कार जस्ता अपराधिक क्रियाकलाप बढ्न थालेको बताइन् ।

यस्तै सामाजिक असमानताका कारण महिलाहरुले पीडा भोग्नु परेको बिशंखेको जोड थियो । उनले भनिन्, ‘देवानी र फौजदारी संहितामा समेत विभेदको अवस्था छ । जस्तो महिलाले सम्बन्ध विच्छेद गर्दा पुरुषले सम्पत्ति दिनुपर्देन भन्ने छ ।

त्यो परिवर्तन गर्नुपर्छ । अर्को पुरुषको थर राख्ने भन्ने छ । त्यो पनि परिवर्तन गर्नुपर्नेछ ।’ उनले कानून निर्माणमा समेत नागरिक समाजको भूमिका महत्वपूर्ण रहेको बताइन् ।

महालक्ष्मी नगरपालिका ललितपुरकी उपमेयर निर्मला थापाले महिलामाथि हुने हिंसाका घटनाहरु बाहिर आउन नसकेको बताइन् ।
उनले भनिन्, ‘पारिवारीक, सामाजिक कारणले कानूनले दिएको अधिकारबाट समेत महिलाहरु वञ्चित हुनुपरेको अवस्था छ ।’

गोदावरी नगरपालिकाकी उपमेयर मुना कार्कीले पुरुषहरुले महिलालाई हेर्ने दृष्ट्रिकोणलाई जबसम्म परिवर्तन गर्न सकिदैँन तबसम्म महिलाले न्यायको महसुस गर्न नसक्ने बताइन् ।

महिला तथा बालबालिका कार्यालय ललितपुरकी प्रमुख महिला विकास अधिकृत शारदा विजुच्छेले घरेलु हिंसाकै कारण महिलाहरु आत्महत्या गर्न समेत बाध्य हुने गरेको बताइन् ।

इह्रिकनका कार्यकारी निर्देशक कपिल काफ्लेले पत्रकारले लैंगिक असमानताका विषयलाई उजागर गर्दै वकालत गर्नुपर्ने बताए ।
इह्रिकनकी अध्यक्ष अमृता लम्सालले जबसम्म महिलाहरु आर्थिक रुपमा सवल हुँदैनन् तबसम्म उनीहरुमाथि उठ्न नसक्नेमा जोड दिइन् ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: