महिला उद्यमशिलता विकास कोषको रकम बढाउ : उद्यमी महिला


प्रकाशित मिति :2018-06-19 14:20:08

-महिला खबर-

ललितपुर । उद्यमी महिलाहरुलाई व्यवसाय विस्तारमा सहयोग गर्नको लागि सरकारी स्तरमा व्यवस्था गरिएको महिला उद्यमशिलता विकास कोषको रकम अपुग भएको उद्यमीहरुले बताएका छन् ।

नेपाल सरकारले आर्थिक वर्ष २०७१/०७२ बाट सुरु गरेको महिला उद्यमी विकास कोष हाल १८ करोड रुपैयाँको छ । जुन घरेलु तथा साना उद्योग विभाग अन्तर्गतका कार्यालय मार्फत वितरण हुने गरेको छ । तर, उक्त कोषको रकम बढीमा एक उद्यमीले पाँच लाख रुपैयाँ मात्रै पाउने व्यवस्था छ ।

महिला उद्यमी महासंघकी महासचिव दर्शना श्रेष्ठले भनिन्, ‘अहिले महिलाहरुलाई उद्यम विस्तारको लागि कम्तिमा १० लाख देखि २५ लाख रुपैयाँसम्म आवश्यक छ । तर, कोषले बढीमा पाँच लाख रुपैयाँ मात्रै दिने गरेको छ ।’

काठमाडौं उपत्यका, काभ्रे र प्रदेश नम्बर २ मा गरिएको अध्ययनका क्रममा पनि उद्यमी महिलाहरुले कोषको रकम कम भएकोले बढाउनुपर्ने माग राखेका उनले बताईन् ।

‘७७ जिल्लामा उद्यमी महिलालाई २ लाख ५० हजारका दरले मात्रै वितरण गर्दा पनि २७ करोड रुपैयाँ आवश्यक पर्छ’ महासचिव श्रेष्ठले भनिन्, ‘बैंकले पनि धितो बिना ऋण नदिने, सरकारी सहुलियत रकम पनि निकै कम हुँदा महिलाले साना उद्यमीमै रहनुपर्ने बाध्यता छ ।’

अर्कोतर्फ महिला उद्यमीलाई पर्याप्त जानकारी नहुँदा भएको ऋण लिन पनि उनीहरुको पहुँच नपुगेको महिला उद्यमी महासंघकी अध्यक्ष सारदा रिजालले बताईन् ।

उनले भनिन्, ‘महिला उद्यमशिलता कोषबारे जानकारी नै नहुँदा पनि महिलाहरुले सहुलियत ऋण लिन सकिरहेका छैनन ।’

महासंघको अध्ययन अनुसार सबैभन्दा बढि रोल्पाका महिलाले महिला उद्यमी कोषको रकम लिएका छन् भने काठमाडौंमा दुई महिना अघिसम्म २५ जनाले मात्रै लिएका छन् ।

घरेलु तथा साना उद्योग विभागका निर्देशक विष्णु ज्ञवालीले आउँदो आर्थिक वर्षदेखि महिलाले ऋण माग्दा लेख्नुपर्ने प्रस्तावनालाई सरलीकृत गर्ने तयारीमा विभाग रहेको बताए ।

घरेलु तथा साना उद्योग विभागको तथ्याङ्क अनुसार आर्थिक वर्ष २०७३/०७४ मा देशभरका ४१ जिल्लाका ७ सय ६५ जना उद्यमीले उक्त कोषबाट रकम प्राप्त गरेका छन् ।

काठमाडौं भत्तापुर लगायत १२ जिल्लाका ३ सय ३७ जना उद्यमीले महिला उद्यमशिलता विकास कोषबाट एक देखि साढे २ लाख रुपैयाँसम्म रकम लिएका छन् । भने तिमध्ये ४७ जना महिला उद्यमीले मात्रै ३ लाख भन्दा माथि सहुलियत रकम लिएका छन् । देशभरबाट ७ जना महिलाले मात्रै ५ लाख रुपैयाँ रकम पाएका छन् ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: