तस्कर ठेगान लगाउन महिलाकाे गस्ती


प्रकाशित मिति :2018-06-21 12:46:15

ललितपुर । जिम्बाबेमा महिलाहरू अफ्रिकाको एक सबैभन्दा ठूलो हात्तीको समूहलाई रक्षा गर्ने रेन्जरको रूपमा काम गरिरहेका छन् । यो अपेक्षा गरिएको भन्दा बढी सफल भईरहेको छ ।

बीबीसी समाचार युनिटले आकाशिङ्गा (महिला शिकारी विरुद्घ लड्ने एक समूह) सँग यात्रा गरे । समाचार युनिटले आकाशिङ्गाले चार शिकारीहरुलाई नियन्त्रणमा लिएको पनि देखे ।

समाचार युनिटसँग कुरा गर्दै भिम्बाई, आकाशिङ्गाका एक शीर्ष रेन्जरको भनिन्, ‘बहादुरहरु’ र धेरै पुरुषहरुबाट महिलाहरुले सशस्त्र सहितका र खतरनाक शिकारीहरुविरुद्घ लड्न नसक्ने टिप्पणी गरेको पाएकीे थिएँ ।’

‘उनीहरूले सोच्थे कि हामी यो गर्न सक्दैनौँ । तिनीहरू पूर्णतया गलत छन्’ भिम्बाई हाँस्दै भन्छिन् । उनको हाँसोले उच्च क्षमता भएको बन्दूक सहित एक आत्मविश्वासी मुस्कान बोकेको भान गराउँछ । उनका अनुसार आजसम्म उनको र उनका सहकर्मीहरुले ३० भन्दा धेरै शिकारीलाई पक्राउ गरेका छन् ।

‘आफ्नै गाउँमा वा छिमेकी गाउँमा बस्ने शिकारीहरुलाई समात्न धेरै गाह्रो छ । तपाईं यदि मेरो छिमेकी वा नातेदार हुनुहुन्छ तर केही गल्ती गर्नुभयो भने म तपाईंलाई समात्नेछु’ उनले भनिन् ।

आकाशिङ्गाका धेरै सदस्यहरु दुव्र्यवहारबाट पीडित वा एकल कि त अविवाहित महिलाहरु हुन् । न्याराजो होतोका लागि, यो अवसर एक रेन्जर बनेर जनावरहरूको सुरक्षा गर्ने मौका मात्र नभएर आफ्नै क्षमताको अनुभव गर्ने मौका पनि थियो ।

‘मेरो पूर्व पतिले मलाई शोषण गर्ने गर्दथे’ होतोले भनिन्, ‘उनीसँगको जीवन एक कठिन समय थियो किनकी मैले मेरा सबै लक्ष्यहरुलाई विस्तारै भईरहेको अनुभव गरिरहेकी थिएँ । म कुनै काम पुरुषका लागि मात्र नहुने भनेर साबित गर्न चाहन्छु । मलाई आशा छ कि मैले यो प्रमाणित गरिसकेकीे छु ।’

आकाशिङ्गाका संस्थापक डेमीन मन्डरले भने उनको संरक्षणमा काम गरेको अनुभवले उनलाई थाहा भयो कि महिलाहरू वास्तवमा पुरुष भन्दा बढी शिकारीहरुको प्रतिरोध गर्न सक्षम हुँदा रहेछन् ।

‘विगतमा हामीलाई देशभरबाट रेन्जरहरू भर्ती गर्नु पर्थ्याे र यस्तो कठिन क्षेत्रको सुरक्षा गर्नुपर्थ्याे । तिनीहरू स्थानीय समुदायका मानिसहरूद्वारा प्रभावित हुँदैनथे । खसमा महिलाहरु कसैको प्रभावमा पर्दैनथे’ म्यान्डरले भने ।

‘मैले ६/७ वर्ष पहिले १ सय ८९ जना भर्ती गर्नका लागि जिम्मेवारी पाएको थिएँ । छनौटको पहिलो दिनको अन्त्यमा, मात्र तीनजना प्रतिस्पर्धीहरु बाँकी थिए । तेस्रो दिनको अन्त्यसम्म केवल तीन महिला मात्र छनौट भए ।’

‘लामो समयसम्म गरिएको प्रयत्नले समुदायको मन र मस्तिस्क जित्न सफल भएको छ’, उनले थपे । ‘र त्यसो गर्न सबै भन्दा प्रभावकारी तरिका महिलाहरु मार्फत छ । महिलाहरूलाई अवसर दिएको खण्डमा संरक्षण प्रणलीलाई चुस्त बनाउन सक्ने दृढता उनीहरुमा छ ।’

स्रोत : विमेन ईन द वर्ल्ड

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: