राजधानीकै मन्दिरमा महिलालाई प्रवेश निषेध


प्रकाशित मिति :2018-06-21 17:48:41

–महिला खबर–

ललितपुर । राजधानी भित्रै रहेको मन्दिरमा महिलालाई प्रवेशमा रोक छ भन्दा पत्याउनुहुन्छ ? सायद तपाईं पत्याउनुहुन्न । यस्तो सभ्य मानिसहरु बस्ने ठाउँमा महिलाको प्रवेशमा निषेध भन्दा अचम्म पनि लाग्ला ।

आश्चर्य नमान्नुस् । यो सत्य हो । तपाईं यो देख्न धेरै टाढा जानु पर्दैन । दैनिक हजारौं मानिस आवत जावत हुने ललितपुरको लगनखेलमा रहेको हनुमानथान मन्दिर पुग्नुभए यो तथ्य देखिन्छ ।

मूल गेटबाट छिरेपछि मन्दिरको मूल द्वारमा तपाईं पुग्नुहुन्छ । गेटको दाँया भित्तामा हनुमानको मूर्ति छ । त्यसैको ठिक माथि लेखिएको छ ‘महिला भक्तजनहरु भित्र नगई बाहिरबाट नै पुजा गरिदिनुहोला ।’

२०४१ सालमा स्थापना भएको मन्दिरमा स्थापना कालदेखि नै महिला प्रवेशमा निधेष गरिएको मन्दिरका पुजारी हनुमान बाजे (सुदिप पाठक) बताउँछन् ।

उनका अनुसार उक्त मन्दिर हनुमानको हो । हनुमान बम्हाचार्य थिए । महिला मन्दिरभित्र पसे हनुमानको बम्हाचार्य तोडिन्छ भन्ने मान्यताका कारण महिलालाई मन्दिर प्रवेशमा रोक लगाईएको हो ।

‘महिला मन्दिर मन्दिरभित्र पसे भने हनुमान ब्रम्हाचार्य तोडिन्छ भनेर महिला प्रवेशमा निधेष गरिएको छ । महिलाहरु भक्तजनहरु बाहिरबाटै पुजापाठ गर्छन् ।’ उनी भन्छन्, ‘तर पनि म व्यवस्थापन समितिले थाहा नपाउने गरि महिलालाई पनि भित्रै गएर पुजा गर्न दिन्छु । उनीहरुको मन दुःखी हुन्छ जस्तो लाग्छ ।’

मन्दिर व्यवस्थापन समितिका अध्यक्ष माधव बस्नेत व्यवस्थापन समितिकै निर्णय अनुसार मन्दिरमा महिलालाई प्रवेश रोक लगाएको बताउँछन् । यद्यपी, उनले लिखित रुपमा निर्णय भने नगरेको बताए ।

‘हनुमानलाई महिलाले छुन नहुने मान्यता अनुसार हामीले महिला भक्तजनलाई बाहिरबाटै पूजा गरिदिनुहोला भन्ने बोर्ड राखेका हौं ।’ उनले भने, ‘तर भित्र जान चाहनेलाई हामी रोकतोक गर्दैनौं ।’

मन्दिरमा विगत ३/४ वर्षदेखि पुजाआराधान गर्न आउन थालेकी गोदावरी टौखेलकी सुसीला पौडेल भन्छिन्, यहाँ मात्र होइन् पशुपति लगायतका मन्दिरमा समेत महिलाहरुले हनुमानलाई नछोएको देखेको छु । म पनि शुरुमा पस्दैनथ्ये तर पछि पुजारीले पस्न दिनुभयो ।’

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: