अविवाहित छोरीको प्रश्न


प्रकाशित मिति :2018-06-24 14:59:01

गर्भमै युद्धमा होमिएर भाग्यले बाचेकी म
जन्मन सक्नु मै आफ्नो जित महशुस गर्छु
आगन, ओदानो र मदानीलाई साथी बनाएर
म हुर्किए,
प्लास्टिकको
हवाईजहाज र भलिबललाई
साथी बनाएर भाइ हुर्कियो !

हामी हुर्कन चाहिँ दुबै हुर्कियौँ
जब म पोटिली भएँ
राम्री हुँदै गएँ
मेरो नयन र नितम्बमा
कामुक नजरहरु बर्सिन सुरु भए
त्यी कामुक नजर मेरा बा कै उमेरका बा हरुका थिए
मेरै भाइका उमेरका अरु भाईहरुका थिए
प्रकृतिको नियमानुसार नै भएकी थिएँ ‘छुई’
घरको धुरीबाट पर गाईगोठमा किन मैले रगतसङ्ग
लत्पतिएर शरीरका रक्ताम्य दागहरु आशुले पुछ्नुपर्यो ?

अन्जु स्मारिका

जब जब नारीको औचित्य बुझ्न थाले
आमालाई बाले चुतिया बनाएको देख्न थाले
अमुर्त सिन्दुर चुरा दिएर नानिहरुलाई ललिपप देखाए जस्तो
सुरक्षाको नाममा ।
के के मात्र शोषण गर्दैन पुरुष
त्यही सिन्दुरको आधारमा आमा
कहिले नोकर्नी बनिन्, कहिले धोबिनि बनिन् र
कहिले बेश्या बनिन्
बा को ईशारामा ओछ्यान बन्नु के उनको रहर थियो ?
फुपूहरुको ढाडमा फुपाजुहरुको दारुको दम्भ अडिएको छ
बहिनीको मस्तिष्क ज्वाईको आँखाको सुन्दरताको लागि बोधो भएको छ
दिदीलाई भिनाजुले हरेक दिन ‘रण्डि’ को उपमा दिन्छन्
पढेर इन्जिनिएर बन्छु भन्ने सखी
आफ्नै केटा साथीबाट बलात्कृत भई
प्रेमको च्यादर ओढाएर साथीलाई नंग्याउनु
के साथीको धर्म भित्र पर्छ ?

पदले अधिकृत छिमेकी दिदी पनि
अफिसमा खरदार स्तरको कर्मचारीले हेप्छ भनेर गुनासो पोख्छिन्
जातले दलित उनको चिया नास्ता खादा टेबल छुटिन्छ
यो कस्तो नारी सशक्तिकरण
यो कस्तो जातिय स्वतन्त्रता हो ?

दाईजोको लागि जलाईएकी बिनिता दर्जी,
गरिबीको कारण बेचिएकी चरीमाया,
आमा र दाईको इज्जत जोगाउने निउमा जलाईएकी शिबा हास्मी,
सत्य लेखेकै भरमा मारिएकी उमा सिंह,
आवाज उठाएकै कारण झुण्डाएकी रिता बदिनी,
यी र यस्तै कयन रियल नायीकाहरु
अरुकै यौन प्यास मेटाउन जन्मिएकी सुन्तली धामीलाई
सिद्दाईएको यो असुरक्षित आगनमा आज
अरुले भने भन्दैमा भन्नेबित्तिकै
कुन खुसीले ? कुन उमंगले कुन आधारले म
विवाहका प्रस्तावहरु स्वीकार गरु ?

आधा मस्तिष्क भरी समाजको यथार्थ यथावत छ
आधा मस्तिष्क भरी नीजि रहरहरु यथावत छन्
सोचेर म पागल भएँ भने
लडेर म अपांग भएँ भने
सुनेर म बहिरो भएँ भने
बोल्न नचाहेर म लाटो भएँ भने
नैरास्यताले म नराम्री भएँ भने
अथवा म आफ्नो नीजि अस्मिता र परिचयको लागि जीवनका मैदानहरु उत्रीए भने
के यसरी नै आउलान् प्रस्तावहरु
विवाह र प्रेमको खोल ओढेर ?

रंग्याएर देखाओस् यो समाजले झमक दिदीको सिउँदो
मन हेरेर उचाइँ हेरेर गर्ने हो सहयात्रा
सोच हेरेर र सोचाईको सगरमाथा हेरेर
बन्ने हो जीवनसाथी
गहना प्रदर्शनी गर्न, बच्चा जन्माउने मेसिनजीवी
छोराहरुले गुमाएको ईज्ज फिर्ता ल्याउन
समाजमा सभ्यता स्थापित गर्न
बा को खान्दानी रबैया जोगाइ राख्नलाई मात्र
के म तयार भएर बसु ?

सिन्दुरको रङ्ग स्वाभिमानी शिरमा खनाउन
साच्चै यो अभिव्यक्तिको आकाशमा
अस्मिताको लडाइँ लड्ने मेरो
शितयुद्दको यो कस्तो तयारी हो ?

    Comment Here!

Related NEWS
मुख्य खबर

तिमी अध्यारोमा लुकेर बस छोरी

-रञ्जुश्री पराजुली- छोरी तिमी माथि आफन्तहरूले नै गिद्धे नजर लगाएर टाउको घुमाउँछन्।

बलात्कारी पितृसत्ता

-सुशीला निनाम- युगौ देखि मेरो चेत माथी बलात्कार गरिरह्यो बौद्धिकता माथी बलात्कार गरिरह्यो स्वतन्त्रता माथी बलात्कार गरिरह्यो पितृसत्ताले ।

यो आँधी खोलाको कथा होइन

-मनु लोहोरूङ राई- स्त्री आर्तनदलाई झ्याउरे लय सम्झेर परिस्थितिलाई नचाउँदै लिलाम घटाघटमा नारी अस्मिताको मुल्य फर्छ्यौट गर्ने-

आश्वासनका ढुङ्गा !

-पवित्रा थापा- अचानक लामो लकडाउनसँगै जान नपाएर साहुको मेला मेरो परिवार भयावह महामारीले भन्दा

उर्मिलाको प्रश्न

-सृजना शर्मा- म उर्मिला तिम्री तिम्रो भागको निद्रा लिएर सुतेकी छु युगौँ युग ए राम अनुज, तिम्रै खातिर मैले

Read more
© 2015.All rights reserved by mahilakhabar.com
%d bloggers like this: