साइबर अपराधको जोखिममा महिला


प्रकाशित मिति :2018-06-25 12:38:42

–महिला खबर–

ललितपुर । प्रविधिको बढ्दो प्रयोगसँगै पछिल्लो समय साइबर अपराधका घटना पनि बढ्न थालेको छ । यसको जोखिममा सबैभन्दा धेरै महिला रहेका कानून व्यवसायीहरुले बताएका छन् ।

ललितपुर बार एशोसिएसनले गरेको ‘साइबर अपराध विरुद्ध कानुन व्यावसायीहरुको क्षमता अभिवृद्धी’ विषयको कार्यक्रममा सहभागी कानून व्यवसायीहरुले साइबर अपराधको जोखिममा महिला रहेका बताएका हुन् ।

उनीहरुले जिल्लादेखि केन्द्रका सुरक्षा निकाय र अदालतमा साइबर अपराधका उजुरी आउनेक्रम बढ्दै गएको उनीहरुको भनाइ छ ।

काठमाडौं जिल्ला अदालतमा पहिलो पटक २०६८ सालमा सामाजिक सञ्जालबाट पीडित बनेकाहरुको मुद्दा परेको थियो । त्यसयता यस्ता मुद्दाको संख्या बढ्दै गएको अदालतले जनाएको छ ।

जिल्ला अदालत काठमाडौंमा आर्थिक वर्ष २०७०/७१ मा साइबर अपराधका ५२ वटा मुद्दा दर्ता भएकोमा २४ मुद्दाको फैसला भइसकेको छ । भने २८ वटा मुद्दा फैसला हुन बाँकी रहेको छ ।

आर्थिक वर्ष ०७१/७२ मा ६१ वटा मुद्दा दर्ता भएकोमा ४५ मुद्दाको फैसला भइसकेको छ भने १६ वटा बाँकी रहेका छन् । आर्थिक वर्ष २०७२/७३ मा ६६ मुद्दा दर्ता भएकोमा ५० वटा फैसला भइसकेका छन भने १६ मुद्दा बाँकी रहेका अदालतले जनाएको छ ।

२०७३/७४ मा ५४ वटा मुद्दा दर्ता भएकोमा ४७ वटा फैसला भइसकेका छन् । भने ७ वटा बाँकी रहेका छन् । यस्तै २०७४/७५ बैशाखदेखि जेठ २३ सम्ममा १८ वटा मुद्दा दर्ता भएको जिल्ला अदालत काठमाडौंले जनाएको छ ।

पूर्व न्यायाधीश गौरी ढकालले पछिल्लो समय बढेको सुचना प्रविधिले समाजमा डरलाग्दो अवस्था सिर्जना भएको बताएकी छन् । प्रविधिको विकास हुनु राम्रो पक्ष भएपनि यसको दुरुपयोगले भयावह स्थिती सिर्जना भएको उनको भनाई थियो ।

फेसबुक, भाइबर, टुईटर लगायतका सामाजिक सञ्जालको नेपालमा पनि दुरुपयोग भएको बेला यसको सिकार महिलाले हुनुपरेको उनको भनाइ छ । महिलाको नामबाट नक्कली फेसबुक बनाउने, फेसबुकबाट फोटो राखेर अन्य नराम्रो फोटोमा जोडिदिने, अश्लील शब्द प्रयोग गर्ने लगायतका हिंसा महिलाले नै भोग्नुपरेको उनको भनाई थियो ।

नेपालमा इन्टरनेटको प्रयोगले महिलामाथि विभिन्न हिंसा भएपनि उजुरी प्रकृया जटिल भएको उनको भनाई थियो । समाजमा हुने यस्ता अपराध नियन्त्रण गर्ने दायित्व सरकारको भएको बताउँदै उनले यसका लागि नयाँ कानून आवश्यक रहेको जनाइन् ।

नेपा प्रहरीका डिआइजी जयबहादुर चन्दले बढ्दो साइबर अपराधले शान्ति सुरक्षामा समेत असर परिरहेको बताए । इन्टरनेट सेवाले अपराध पनि बढ्दै जाँदा अहिले नेपालमा भएको प्रहरीको जनशक्तिले धान्न नसक्ने स्थिती रहेको बताए ।

न्यायाधीश रत्नबहादुर वागचन्दले व्यक्तिगत विवरण सामाजिक सञ्जालमा राख्दा झनै समस्या भएको बताए । फेसबुकमा आफना बायोडाटा, काम गर्ने ठाउँ, पेशा सवै विवरण राख्दा यसले ह्याक गर्ने ह्याकरहरुलाई सजिलो हुने गरेको भन्दै व्यक्तिगत विवरण फेसबुकमा नराख्न आग्रह गरे । यस्तै नचिनेकाहरुलाई साथी नबनाउन पनि सल्लाह दिए ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: