बालविवाह र जबरजस्ती करणीको मुद्धा प्रहरीले दर्ता नगरेको आरोप


प्रकाशित मिति :2018-06-29 16:59:45

–महिला खबर–

ललितपुर । बालविवाह गरी जबरजस्ती करणी समेत गरेको आरोपमा प्रहरीमा परेको जाहेरी प्रहरीले दर्ता नगरेको आरोप लागेको छ ।

बाँकेको डुडुवा गाउँपालिका वडा नम्बर २ नौडिगौडीका २५ वर्षीय आषिस नाउ विरुद्धको जाहेरी प्रहरीले दर्ता गर्न नमानेको आरोप लागेको हो ।

आषिस नाउले २०७५ बैशाख १६ गते आफ्नी १५ वर्षकी बहिनीलाई दिउसो घरमा कोही नभएको मौका छोपी घरबाट भगाएर लिएको र आफ्नो घरमा लिई जवरजस्ती निकाह (विवाह) गरेको आरोप बालिकाका दाइको छ ।

घटना बारे आफूले प्रहरीलाई खबर गरेको र प्रहरीले दुवै पक्षलाई उपस्थित गराई बालिकालाई आफ्नो जिम्मा लगाइ पठाएको केही दिनमा फेरि असार ११ गते आषिसहित उनका आफन्तले बहिनीलाई घरबाटै लिएर गएदेखि हालसम्म बेपत्ता बनाएको आरोप पनि बालिकाका दाइको छ ।

उनले आषिसले बहिनी भगाएर लैजादा आफ्नो घरबाट कुखुरा बेचेर राखेको १ लाख ८१ हजार नगद समेत लिएको समेत आरोप लगाएका छन् ।

उनले लेखेको जाहेरीमा असार ११ गतेदेखि आषिसले बन्धक बनाइ राखेकी बहिनीको उद्धार गरी स्वास्थ्य परीक्षण गराई प्रचलित मुलुकी ऐन विहावरीको २ नम्बर ले गरेको कानुनी व्यवस्था विपरित कसुर गरेको भन्दै अन्यायीहरुलाई सोही ऐनको २ नं. को देहाय ३ बमोजिक कार्वाहीको माग गरिएको छ ।

उनको जाहेरीमा आषिस लगायत अन्य ६ जनालाई पनि विपक्षी बनाइएको छ ।

जिल्ला प्रहरी कार्यालय बाँकेका इनेस्पेक्टर रणबहादुर विष्टले बालिका यो पटक गरी ३ पटक आषिससँग भागेको र प्रहरीले दुवै पक्षलाई बोलाएर दुईपटक बालिकालाई उनका दाइको जिम्मा लगाएको बताए ।

उनले यसपटक प्रहरीले बोलाउदा बालिकाका दाइ जिल्ला प्रहरी कार्यालयमा उपस्थित नभएको र उनको जाहेरीमा अन्य ६ जनालाई पनि विपक्षी बनाइएको हुँदा केटाकेटीले भागेर विहे गरेको घटनामा रिस फेर्नका लागि अरुलाई विपक्षी बनाइएकोले मुद्धा दर्ता नभएको बताए ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: