‘उजुरी गर्ने निकाय महिलामैत्री छैन’


प्रकाशित मिति :2018-07-01 15:37:44

–महिला खबर–

ललितपुर । पीडित महिलाले उजुरी गर्ने निकाय नै महिलामैत्री नहुँदा समस्या हुने गरेको एक कार्यक्रमका सहभागिहरुले जोड दिएका छन् ।  सम्झौता नेपालले ललितपुरमा आयोजना गरेको अन्तक्रियामा सहभागिले यस्तो बताएका हुन् ।

कार्यक्रममा अधिवक्ता एवम् उपप्रध्यापक विष्णुमाया भुसालले ‘नेपालमा बलात्कार सम्बन्धी अपराधको कानूनी व्यवस्था, अनुसन्धान कार्यविधि तथा कार्यान्वयनको अवस्था, चुनौती तथा समाधानका उपायहरु’ विषयक कार्यपत्र प्रस्तुत गर्दै नेपालको कानून राम्रो भए पनि फैसला कार्यान्वयनमा समस्या हुँदा पीडितले न्याय नपाउन सकेको बताइन् । उनले उजुरी गर्ने निकाय समेत महिलामैत्री नहुँदा समस्या हुने गरेको बताइन् ।

उनले भनिन्, ‘पीडकलाई राजनीतिक संरक्षण हुन्छ । त्यसमा पनि न्याय प्रक्रियामा ढिलाइका कारण पीडित झन् समस्यामा पर्ने गरेका छन् ।’ उनले अपराधका घटनामा अनुसन्धान प्रभावकारी हुनुपर्नेमा जोड दिइन् ।

कार्यक्रममा सांसद एवम् फौजगारी संहिताका पूर्व संयोजक कृष्णभक्त पोखरेलले बलात्कार घटनाका पीडकलाई मृत्यु दण्डको माग उठ्ने गरे पनि मृत्यु दण्ड दिन नसकिने बताए ।

उनले भने, ‘यदि पिडक दोषी ठहरिएमा आजिवन कारागारको व्यवस्था छ । तर मृत्यु दण्ड गर्न सकिदैन । कति जनालाई मृत्यु दण्ड गर्ने ?’ उनले प्रश्न गरे ।

एउटा महिला बलात्कृत हुँदा समाजको कारण सय चोटी बलात्कार भएको भन्दा बढी पीडा हुने गरेको उनले बताए । सम्झौता नेपालकी निवर्तमान अध्यक्ष एवम् राष्ट्रिय योजना आयोगका सदस्य डा. उषा झाले संविधानले प्रयाप्त अधिकार दिए पनि कार्यान्वयन पक्ष फितलो हुँदा समस्या हुने गरेको बताइन् ।

सांसद नविना लामाले बलात्कारकोे विषय साझा मुद्दा हो भन्दै न्यूनीकरणको लागि सामूहिक पहल आवश्यक रहेको बताइन् । उनले हिंसामुक्त समाजले मात्रै लोकतन्त्र बलियो हुने बताइन् ।

सांसद बिनादेवी बुढाथोकी र लक्ष्मीकुमारी चौधरीले पछिल्लो समय महिला र बालिकाहरु आफन्तबाटै बलात्कृत हुने गरेको भन्दै बलात्कार गर्ने व्यक्तिलाई उमेर अनुसार दण्ड सजायको व्यवस्था हुनुपर्नेमा जोड दिए ।

सम्झौता नेपालका कार्यक्रम संयोजक जमुनादेवी लामाले हिंसा न्यूनीकरण गर्न सबैको साथ र सहयोगको आवश्यक रहेको बताइन् ।
कार्यक्रममा नागरिक समाजः पारस्परीक जवाफ देहिता कार्यक्रमकी कार्यक्रम संयोजक मन्जु अधिकारीले कार्यपत्र प्रस्तुत गर्दै पछिल्लो समय पत्याउनै नसकिने यौन हिंसाका घटना घट्ने गरेको बताइन् ।

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: