सैतान भगाउन पास्टरको समूहबाट निर्मम यातना


प्रकाशित मिति :2018-07-02 10:59:44

–लेखनाथ खतिवडा–

पाँचथर । ताप्लेजुङको सिरिजंगा गाउँपालिकामा झारफुक गर्ने निहुँमा इसाइ धर्मका पास्टरहरूले कुटपिट गर्दा एक युवक घाइते भएका छन् ।

सिरिजंगा गाउँपालिका २ आम्बेगुदिनका २७ वर्षीय प्रविण राईलाई क्रिश्चियनका पास्टरहरूले चर्चमै लगेर यातना दिएको भन्दै पीडित र उनका आफन्तले जिल्ला प्रहरी कार्यालय ताप्लेजुङमा उजुरी दिएपछि घटना सार्वजनिक भएको हो ।

पास्टरहरू नरबहादुर तामाङ, डेबिट लिम्बू, देब राई र सृष्टि लिम्बुले प्रविणलाइ चर्चमा लगेर तिम्रो जिउमा सैतान छ, यसलाइ भगाउनु पर्छ भन्दै निर्घात कुटपिट गरेको पीडितलाई उदृत गर्दै प्रहरीले जनाएको छ ।

गत शनिबार चर्चमै यातना दिएपछि राई गम्भीर घाइते भएका छन् । प्रहरीका अनुसार राइको शरीरभरी नीलडाम छन् । सैतान भगाउन कुटपिट गर्दैगर्दा राई बेहोस भएपछि उनलाई पास्टरहरूले थाहै नदिई उपचारका लागि मोरङको पथरी पु¥याएका थिए ।

पाष्टरहरूबाट कुटिएका राईकी आमाले आम्बेगुदिन प्रहरी चौकीमा उजुरी दिएपछि प्रहरीले पास्टर डेबिट लिम्बु र देब राईलाई पक्राउ गरेको छ ।

उनीहरूमाथि केहि सार्वजनिक अपराध र कुटपिट विरुद्ध मुद्धा चलाउने तयारी भइरहेको जिल्ला प्रहरी कार्यालय ताप्लेजुङका डिएसपी ज्ञानेन्द्रबहादुर बस्नेतले बताए ।

पक्राउ परेका पास्टरहरूले मदिराको लत बसेका राईलाई छुटाउने विधि प्रयोग गर्दा निलडाम भएको स्वीकार गरेको पनि ताप्लेजुङ प्रहरीले जनाएको छ ।

पास्टरहरूले विरामीलाई मोरङ पु¥याएर परिवारको सम्पर्कमा आउन नदिएकाले पनि घटना एकसाता ढिला गरी सार्वजनिक भएको हो ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: