बालिका विवाह गरी बलात्कार गर्नेलाई ८ वर्ष कैद


प्रकाशित मिति :2018-07-04 12:48:00

–महिला खबर–

सिन्धुली । बालिकालाई विवाह गरी बलात्कार गरेको ठहर गर्दै सिन्धुली अदालतले श्याम कुमार दमाईलाई ८ वर्ष तीन महिना कैद सजायको फैसला गरेको छ ।

चौध वर्षीया बालिका विवाह गरी बलात्कार गरेको भन्दै जिल्ला अदालतको मंगलबारको फैसलाले मरिण गाउँपालिका वडा नं. ५ चौकीटारका २५ वर्षीय श्याम कुमार दमाईलाई यस्तो कैद सजाय सुनाएको हो ।

दमाईले बालविवाह गरेवापत ३ महिना कैद तथा १ हजार जरिवाना र बलात्कार गरेकोमा ८ वर्ष कैद फैसलाका साथै ५ हजार क्षतिपूर्तिको फैसला सुनाएको जिल्ला अदालत सिन्धुलीका श्रेस्तेदार धनबहादुर कार्कीले जानकारी दिए ।

जिल्ला न्यायाधीस पूर्णेश्वर प्रसाद उपाध्यायको एकल इजलासले उक्त फैसला गरेको जिल्ला अदालत सिन्धुलीले जनाएको छ ।

जिल्ला प्रहरी कार्यालय सिन्धुलीका अनुसार दमाईकी जेठी श्रीमती २३ वर्षीया शान्ती दर्जीले २०७४ फागुन २५ गते श्रीमानले अर्को विवाह गरेको भनि उजुरी दिएपछि बालविवाह गरि बलात्कार गरेको खुल्न आएको प्रहरीले जनाएको थियो ।

दमाईले बालिकालाई श्रीमती बनाएर घरमा भित्राएको र शारीरिक सम्बन्ध समेत राखेको खुल्न आएपछि उनलाई बालविवाह र बलात्कारमा मुद्दा चलाइएको थियो ।

दमाईले ती बालिकालाई २०७४ फागुन १५ गते विवाह गरि घरमा भित्राएपछि २ छोराछोरीसहित जेठी श्रीमतीलाई घरबाट निकाला गरेका थिए ।

जेठी श्रीमतीको उजुरीका आधारमा पीडक दमाईलाई प्रहरीले २०७४ फागुन २४ गते नै पक्राउ गरेको थियो ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: